1. | Ko te Ingoa Poto o tenei Ture ko "Te Ture Kooti Whenua Maori, 1886." |
2. | Ka timata tenei Ture i te ra tuatahi o Oketopa, tau tahi mano waru rau waru tekau ma ono. |
3. | Koia nei te whakamaoritanga o nga kupu i raro nei me kaore e wehe ke ana i nga tikanga o tenei Ture, ara,—
- "Kooti" tona tikanga ko te Kooti i whakaturia i raro i tenei Ture:
- "Kaiwhakawa Tumuaki" me te "Kaiwhakawa" tona tikanga ko te Tumuaki o nga Kaiwhakawa me te Kaiwhakawa o taua Kooti:
- "Karauna karaati," e uru ana ano ki tenei kupu nga "tiwhikete take i raro i Te Ture Whakawhiti Whenua."
- "Maori" tona tikanga he tangata Maori o Niu Tireni tae atu ki nga hawhe-kaihe katoa me o ratou uri e puta ana mai i te taha Maori:page 15
- "Whenua" tona tikanga he whenua e puritia ana i raro i te Karauna karati he whenua ranei e mau ana i runga i tetahi ota i raro o tenei Ture o etahi Ture ranei kua whakakorea e tenei:
- He memoriara whai take;
- He tiwhikete take i raro i Te Ture Tuku Whenua i raro ranei i tetahi Ture e pa ana ki nga whenua Maori;
- Ki te mea ia kua whakaputaina aua pukapuka take whenua ki nga Maori:
- "Whenua Maori" tona tikanga ko nga whenua i roto i te koroni e mau ana ki nga Maori i raro i a ratou tikanga me a ratou ritenga Maori ano, haunga ia te Take riwihi ko tona tikanga nei he whenua kua whakatuturutia te take e te Kooti hui atu ki nga rahui Maori:
- "Poraka whenua" tona tikanga he poraka kotahi i roto i nga poraka maha e ahei te wehewehe he whenua Maori ranei e wehewehea ana i raro i tenei Ture;
- "Hunga hoko," ara ko nga tangata kua tukua kia ratou tetahi o nga poraka i runga i te wehewehenga:
- "Herititemate" ara he whenua kua karaatitia e te Karauna ki etahi Maori a e mau ana ia ratou:
- "Hiri" tona tikanga he mea hiri ki te hiri o te Kooti.
|
4. | Ko te take ki tetahi whenua, ki tetahi wahi whenua ranei ka kiia kua kimihia ina,—
(a.) | Mutu te whakawa i kore ai te take Maori, ite otinga ranei o te wehewehe, te pahuretanga o te wa e puta ai he tono whakawa tuarua; |
(b.) | Kua whakakorea katoatia nga tono whakawa tuarua; |
(c.) | Kua tukuna tetahi whakataunga i runga i tetahi whakawakanga tuarua. |
|