Enclosure.
Agreement respecting Reserve in Pukekohe Block.

Ko te whakaaetanga tenei o Ihaka, o Mohi, o Hone Te Muhu, o Te Pepene te Tihi, o Te Akitai katoa, mo Pukekohe, kia whakaotia rawatia ta ratou paanga ki taua whenua. Ko ona rohe enei. Ka timata ki te Pou o Rangiwhiri, haere tonu i runga i te raina o te Bailey, Ngapuketurua, Puketarakihia, tomo noa ki te ngahere, haere tonu ki Tutaenui,—ka nawe ki te hauauru i runga i te rohe o Tutaenui, a haere tonu atu ki runga i te kaha hauraro o Tirikohua ki te rua o nga poka, ka tapahi ki te hauauru ki te raina e tika mai i te Ahua-a-te-ruarangi i Manukau i te ara roa ki Waikato; ka tukua rawatia ki a Te Kuini o Ingarangi, ki ona uri i muri i a ia, ake, ake. Koia tenei whakaaetanga i tuhituhia ai—ki tenei ra—ki te tekau ma whitu o nga ra o Hune i te tau 1853.

Heoi ano nga wahi e kapea mo matou i roto i enei rohe kua oti te korero—ko te wahi ki te tino Pukekohe i huaia Te Awanui o Taikehu, koia tenei ka porotakaia i roto i te whakaahua ki te taha ki tua o tenei pukapuka. Ko te utu ki a matou, e whakaaetia ai enei tikanga—kia Rua rau pauna, e homai ana ki roto i o matou ringaringa, i tenei ra i te 17 o nga ra o Hune; 1853.