Enclosure.
E mara, E te Kawana,—
Ka tuarua whakawa o tenei kainga o Oruru; Ko te Honihana te Kaiwhakawa; Ko Henare Kepa te Kaiwhakawa ki Akarana; kei a ia te pukapuka o nga moni o te whakawa ki Akarana. Ko te karangatanga tenei, kotahi rau e rima tekau; koia kai noi atu nei matou kia homai, no te mea ka rua o matou tau i tatari a ia kia homai enei moni; ki te kahore koe e tuku mai i enei moni ka tangohia Oruru. Me he mea ka ngawari pukoe i tenei wahi, ki te homai i nga moni nei, ekore e mau Oruru. Ko ta matou whakaaro tenei kia kotahi taha pouri, kia kotahi taha marama, ko te taha ki a matou kia marama, kia kotahi ai tatou. E te Kawana, ko te whakaaro tenei o matou o te kai tuhituhi i tenei pukapuka o te hunga o runga i te iwi. Ka mutu.
Na te Hira,
Na Penehama,
Na.Puahu,
Na rahoe.
Kei Taipa, 1856.