[Translation.]
Panuitanga.

No te mea kua whakaritea i roto i tetahi o nga Ture a Te Runanga Nui o Niu Tireni i huaina ("The New Zealand. Settlements Act, 1863") "Ko te Ture mo te Whakanoho i te Hunga Marie," ka tika ma te Kawana i roto i te Panuitanga, me ta ngatahi ki te reo Maori me te reo pakeha, e karanga atu ki nga iwi Maori, tangata ranei o aua iwi i uru ki etahi o nga hara kua whakahuatia i te rima o nga rarangi o taua Ture, a tetahi ra me whakarite ki te Panuitanga, a ko nga tangata katoa e pakeke e turi ki te haere mai, ki te tuku i a ratou kia whakawakia i runga i te ritenga o te ture a te ra e whakaritea ki te Panuitanga, kahore e uru ki te tikanga whakarite i runga itaua Ture.

Na ko ahau, ko ta Hori Kerei, Kawana o te Koroni (o Niu Tireni) i taku whakahaerenga i te mana kua tukua mai ki ahau e karanga atu ana ki ngatiwi Maori, tangata ranei o nga iwi, e mau nei o ratou ingoa ki tenei Panuitanga kua uru ki nga hara e whakahuatia i raro nei-ara: (1) kua whawhai ki te Kuini i muri mai o te 10 o nga ra o Hanuere, 1863, kua mau patu ranei ki te-: Kuini ki nga hoia ranei o te Kuini, I muri, mai o taua ra; (2) kua piri atu, kua whakahoa, atu ki taua iwi, kua uru ranei ki te whakakaha i a ratou; (3) kua tono, kua whakahau, kua whakawai, kua koreroi atu, kua whai kupu atu ranei ki tetahi atu tangata, he mea kia whawhai ai ki te Kuini ki nga hoia ranei o te Kuini i Niu Tireni, kua whakahoa ranei ki nga tangata kua korerotia i runga aki nei, kua whakakaha ranei i a ratou; (4), kua pa kino atu ki te tinana ki te taonga ranei o tetahi tangata i runga i nga mahi o te hunga kua korerotia i runga ake nei; (5) Kua tonoa e te Kawana i roto i tetahi Panuitanga kia tukua mai aratou pu, a kaore e tukua mai, pahemo noa te rae, whakaritea i roto i taua Panuitanga –kia haere mai, kia tukua ratou kia whakawakia i runga i te ritenga o te Ture. A, te tuatahi o nga ra o Hune o te tau kotahi mano e waru rau e ono tekau ma rima. A e panui, e whakatuturu ana e ahau, ko nga tangata katoa kua uru ki enei mahi kua whakahuatia i runga nei ki te pakeke ki te turi ratou ki te haere mai ki te tuku i a ratou kia whakawakia i runga i te ritenga o te Ture heoi ano, kahore ratou e uru ki te tikanga whakarite i runga i taua ture mo to ratou paanga ki nga whenua i roto i nga rohe i tohutohungia i te Panuitanga a te Kawana o te 29 o nga ra o Tihema, 1864, i te 30 hoki o nga ra o Hanuere, 1865, e tangohia nei i raro i te ritenga o taua ture.

He mea tuku atui raro i taku ringa i te Whare o te Kawana, i Poneke, he mea whakaputa atu [gap — reason: deletion] hoki i raro i te Hiri o te Koroni o Niu Tireni, i tenei tuatahi o nga ra o Aperira ite tau o [gap — reason: deletion] to tatou Ariki kotahi mano e waru rau e ono tekau ma rima.

Na te Kawana i. mea.

G. Grey,
Na te Kawana.

Na Matara.

page 179Ko nga Iwi enei e karangatia atu ana i roto i tenei Panuitanga:—
Pukapuka Rarangi Ingoa.
Ngatipou, Ngatihine, Te Ngaungau, Ngatimahuta, Ngatihaua, Ngatikoroki, Ngatiruru, Ngatimaniapoto, Ngatiapakura, Ngatihinetu, Ngatiraukawa (Ki Horotiu); Ngatimatakore, Ngatitamaoho.

E Te Atua, tohungia te Kuini!