Tenei Pukapuka i tuhituhia i tenei te rua tekau ma ono o nga ra o Apereira i te tau o1864. 26 April.Wairarapa District. to tatou Ariki 1864 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungungu no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uriPouawatea. mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona page 378uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau e rima tekau kua utua mai ki a matou e I.Boundaries. E. Featherston E Te Petatone mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko Pouawatea te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ora uri ki ana ranei e whakarite ai hei tino mau tonu ake tonu atu. A hei tohu mo te matou whakaaetanga ki nga tikanga katoa o tenei Pukapuka kua tuhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukupuka kua tuhia nei te ingoa o I. E. Featherston, Te Petatone Kaiwhakarite Whenua. Ko nga rohe enei o taua whenua ka timata i te taha ki te Rawhiti he raina ka rere atu i Parikoau ki Pouawatea kei runga tonu i te awa o Ruamahanga Te taha ki te Tonga ko te awa o Ruamahanga Te taha ki te Hauauru he raina e wha tekau tini te roa, Te taha ki te Marangai ko te awa o Ruamahanga a tae atu ano ki te timatanga o te rohe i Parikoau.