1854. 4 DecemberWairarapa District.Maramamau.Tenei Pukapuka tuku whenua e tuhituhia nei i tenei ra i te wha o nga ra o Tihema i te tau o to tatou Ariki kotahi mano e waru rau e rima tekau ma wha 1854 He pukapuka tino wakaae pono na matou na nga rangatira me nga tangata o Ngatikahungunu e mau nei nga ingoa ki tenei pukapuka mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu A mo to matou wakaaetanga kia tukua rawatia tenei wahi o to matou kainga o wakaae ana hoki a Wikitoria te Kuini o Ingarini mona kia utua matou ki nga paunaReceipt for £500. moni e whitu rau takitahi (£700) e rima rau takitahi (£500) o aua moni kua riro mai page 313ki a matou i tenei ra, na te Makarini i homai ko nga toenga ara ko nga rau pauna e rua (£200) ka whakatakotoria e te Makarini ki a matou i roto i nga ra o Tihema a te tau o to tatou Ariki Kotahi mano e waru ran e rima tekau ma rima 1855.

Ka timata nga rohe o te whenua ki te Tutu haere atu te Arawaire mau rawa atu koBoundaries. Otohu mau rawa atu te Whare o Rakai haere ki Ruamahanga ka rere i roto i te wai o Ruamahanga puta noa ki te Rakau o Tamaru mau rawa whakauta ki te Papa purei ka piki ki uta ka rere ki Ngakuau mau rawa atu Hatuapopoti mau rawa atu Ahine te Mihi mau rawa atu Taumata kai namu mau rawa atu te Wharehanga ka ahu ki te taha o te mauru ka mau ki Taumatapatiti ka mau ko te Raewakaari ka mau Taumata o Hikapi ka rere ki Otukura ki te rohe kua hokona ki a te Kuini ka mau whaka te rawhiti i runga i te rohe o te Kuini puta noa ki te Tawaha tae noa ki te Tutu, ka tutaki.