Maori Deeds of Land Purchases in the North Island of New Zealand: Volume Two

Wharekaka Block, Wairarapa District

Wharekaka Block, Wairarapa District.

1854. 4 JanuaryWairarapa District.Tenei pukapuka tuku whenua e tuhituhia nei i tenei ra i te wha 4 o nga ra o Hanueri i te tau o to tatou Ariki Kotahi mano e waru rau e rima tekau ma wha 1854. He pukapukaWharekaka. tino wakaae pono na matou na nga Rangatira me nga tangata o Ngatikahungunu e mau nei nga ingoa ki tenei pukapuka mo matou mo a matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu. A mo to matou wakaaetanga kia tino tukua rawatia tonei wahi o to matou kainga e wakaae ana hoki a Wikitoria te Kuini o Ingarini mona kia utua matou ki nga paunaReceipt for £1,000, first instalment. moni E rua mano takitahi £2000. Kotahi te mano takitahi £1000 o aua moni kua riro mai ki a matou i tenei ra na te Makarini i homai. E rima rau £500 o aua moni ka homai ki a matou i nga ra o Hanueri i te tau o to tatou Ariki 1855. E rima rau £500 ko te utu wakamutunga ka homai ki a matou i te tau o to tatou Ariki 1856.

Five per cents to be paid. Ko nga koha ki te ritenga o era tukunga tuatahi o te whenua o Wairarapa ka homai ano ki a matou mo tenei tukunga.

Boundaries. Nga rohe o te whenua ka timata ki te Awahurinuku kei roto i Ruamahanga te timatanga o nga rohe ka ahu ki te taha ki te Maunga mau rawa atu ko Tuwarehanga mau rawa atu ko te Motuotuaotea mau noa atu ko Motuomangu rere tonu ki Tuahiwiomoko rere tonu ki Waewaetea mau rawa atu ko te Ahikereru mau noa atu ko Makara mau noa atu ko Ngakioreataierua ka ahu wakarawiti rere tonu ki te Hakaahineiahoa rere tonu ki Taopukakaho rere tonu ki te Upoko o Rakaitauheke ka rere tonu i roto o Huangarua hei roto tonu i Huangarua rere ai a puta noa ki te ngutuawa o Huangarua makere noa ki Ruamahanga ka rere i roto i Ruamahanga mau noa atu ki Tuwerohia ka ahu ki uta ka rere i roto i te Wakawai mau rawa atu ko te Upoko o Kuri mau rawa atu ko te Waimanu mau noa atu ko te Parua ka makere ki roto ki Ruamahanga rere tonu i roto i Ruamahanga mau noa atu ko Parikoau ka rere ki uta mau noa atu ko Pouawatea ka makere ki roto ki Ruamahanga mau noa atu ko te Aawaateatua mau noa atu ko Tarawa mau noa atu ko Pukio ka ahu ki uta rere tonu i roto i te roto mau noa atu ko te Kauru o Kura rere tonu i roto i te Awa o Kura mau noa atu ko te Ngutuawa o Kura ka makere ki Ruamahanga rere tonu i roto i Ruamahanga mau noa atu ko Ringamutu mau noa atu ko Waiopinenga ka ahu i uta o te Pa mau noa atu ko te Awakeri a Maiho ka makere ki Ruamahanga mau noa atu ko Rarokohe mau noa atu ko te Awahurinuku ka tutaki nga rohe i konei.

Reserve for Manihera [1,000 acres.] Kotahi te mano takitahi 1000 o nga eka o roto o tenei tukunga whenua ki te taha wakatetonga o Waihora e wakahokia ki a te Manihera hei whenua tumau tonu mona mo te Manihera ma Kapene Miti te Kai ruri whenua e wakatakoto taua whenua e wakaatu hoki nga rohe o taua whenua.

Heoi kua oti i a matou te hurihuri te mihi te poroporoake te tino tuku rawa i tenei kainga o a matou tipuna tuku iho ki a matou me ona awa, me ona manga, me ona roto, me ona wai, me ona rakau, me ona otaota, me ona kohatu, me ona wahi parae, me ona wahi ataahua, me ona wahi kino, me nga mea katoa ki runga ranei o te whenua ki raro ranei o te whenua, me ona aha noa iho o taua whenua ka oti rawa i a matou te tino tuku rawa atu i tenei ra e witi nei he whenua pumau na matou ki a Wikitoria te Kuini o Ingarini ki nga Kingi, Kuini ranei o muri iho i a ia ake tonu atu. A mo to matou wakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu. A mo te wakaaetanga o te Kuini o Ingarini mona ki nga tikanga katoa o roto i tenei pukapuka ka tuhia iho e te Makarini te Kai wakarite whenua o te Kawana o Nui Tireni tona ingoa.

Donald McLean,
Land Commissioner.

Manihera te Rangitakaiwaho.
Piriki Potonga x tona tohu.
Akenihi Ngatuere x her mark.
Ngairo Takatakaputea.
Wiremu Kingi Tutepakihirangi.
Matiaha te Aopouri.
Ihaka Ngahiwi x.
Hemi Hohepa x.
Matini Warahi.
Tare Ruka Hohepa x.

Nga kai titiro ki enei homaitanga utu me enei tuhinga ingoa—

A. Ludlam, River Hutt, J.P., M.P.C.
C. R. Bidwill, Settler, Wairarapa.
H. T. Kemp, Native Secretary.
John P. Russell, Settler, Wangai Moana, Wairarapa.
Wiremu Tako.
Puni.

1854. 27 DecemberReceipt for £500, second instalment. Kua riro mai ki a matou i tenei ra i te rua tekau ma whitu (27) o nga ra o Tihema i te tau kotahi mano e waru rau e rima tekau ma wha (1854) nga pauna moni e rima ran takitahi (£500) na te Makarini i homai. Ko te tuarua tenei o nga utunga ki a matou mo to matou wahi whenua i tukua e matou ki a te Kuini o Ingarangi, kua oti nei nga rohe te whakahua ki tua o tenei pukapuka: ara ki to matou pukapuka tuku whenua i tuhituhia e matou i te wha (4) o nga ra o Hanuere 1854. Ko te utunga tenei i whakaaetia e te Makarini kia homai ki a matou i roto i nga ra o Hanuere 1855.

page 303

Manihera te Rangitakaiwaho.
Karauria te Reke.
Tamaihikoia x tona tohu.
Wiremu Kingi.
Hohaia te Rangi x.
Wiremu Tutere Wakahaurangi.
Mere Ruharuha Ngairo.
Ngairo Takatakaputea x.

Nga kai titiro ki tenei homaitanga utu me enei tuhinga ingoa—

G. S. Cooper, J.P., District Commissioner.
Archibald Gillies, Settler, Wairarapa.

Kua riro mai ki ahau i tenei ra, i te tekau (10) o nga ra o Pepuere 1855, nga pauna moni kotahi te rau takitahi (£100) na te Makarini i homai. Ko nga moni enei i whakaaetia e nga tngata o Wairarapa kia homai ki ahau i roto i nga utu e toe ana ki a ratou1855. 10 FebruaryReceipt for £100. [Te Hapuku's claim.] mo te whenua kua oti nga rohe te whakahua ki tua o tenei pukapuka.

Tamaihikoia x his mark.
Te Hapuku Ikaotemoana x.

Nga kai titiro ki tenei homaitanga moni me tenei tuhinga ingoa—

G. S. Cooper, J.P., District Commissioner.
Geo. Williams,

Settler, Wellington.

▼ About this page

Other formats

Connect

▼ Browse collection

Maori Deeds of Land Purchases in the North Island of New Zealand: Volume Two

Wharekaka Block, Wairarapa District