Kotoretoto, Aotea, West Coast.
Free Grant of School Land to the Reverend Superintendent of Wesleyan Missions.

Na, ka whakaae nei a Aperahama Te Karu, a Hakopa Te Matera, a Hakaraia Te Raku, a Pehimana Takarangi, a Herietara Paihua, a Hakopa Arakari, a Te Watarauihi, a Kerapa Kiore, a Tamati Waka Te Mumura,—ki te tuku utu kore i enei whenua ki a Kuini Wikitoria, ki a Te Kawana, kia whakahokia ake e Te Kawana ki a Te Rore, ki te Minita Kaumatua o te Hahi Weteriana, e noho nei i Akarana, kia whakapumautia ki a ia, ki nga Minita Kaumatua Weteriana i muri i a ia mo te Hahi Weteriana, mo nga tikanga o te Kura, o Te Whakapono, ake, ake, ake, hei turanga kura hei oranga kura mo a matou tamariki, ara, mo nga tamariki katoa o Aotea, o tera hapu, o tera hapu, nga tamariki maori, nga tamariki pakeha, nga tamariki hawhekaihe, kia tupu pai ai, kia tupu rangatira ai, kia tupu tahi ai i roto i te whakapono o Te Karaiti i roto i te matauranga ki nga tikanga pai o Te Pakeha.

Hauta o Te Awawa i huaina ko "Te Kete o Pani"—a—puta noa ki tatahi ki "Kotoretoto" ano.

Na, kahore he utu mo taua whenua, heoi ano te utu ko nga tikanga o Te kura o Te Whakapono kua tuhituhia nei, koia matou ka tuhituhi nei i o matou ingoa i tenei ra, i te rua tekau ma rima o Hanueri, i te tau o to tatou Ariki kotahi mano, e waru rau, e rima tekau ma wa.