1854. 18 January.Kawhia.Kote tuhituhinga o tenei pukapuka i te ra kotahi tekau ma waru o Hanuere kotahi mano e waru rau e rima tekau ma wa te whakaaetanga o etahi o nga Rangatira o Kawhia Kahikatea. te Whakaaetanga ano hoki o te Kuini o Ingarani. Na, ko Te Pihopa Te Roto ko te Manihera Porima ko Wiremu Hoeta nga tangata i te kainga e tuhituhia nei ki tenei pukapuka, kua ruritia e te kai ruri whenua o te Kawana kotahi rau e ono tekau ma iwa nga eka. Na ka whakaae nei a Te Pihopa Te Roto a Te Manihera Porima a Wiremu Hoeta ki te tuku utu kore i tenei whenua ki a Kuini Wikitoria ki a Te Kawana kia whakahokia ake e te Kawana ki a Te Rore ki te Minita Kaumatua o te Hahi Weteriana e noho nei i Akarana, kia whakapumautia ki a ia ki nga Minita Kaumatua o muri i a ia o te Hahi Weteriana, mo te Hahi Weteriana mo nga tikanga o te kura o te whakapono ake ake ake hei turanga kura hei oranga kura mo a matou tamariki ara mo nga tamariki katoa o Kawhia o tera hapu o tera hapu nga tamariki maori nga tamariki pakeha nga tamariki hawhekaihe kia tupu tahi ai kia tupu rangatira ai kia tupu tahi ai i roto i te whakapono o te Karaiti i roto i te matauranga ki nga tikanga pai o te pakeha.

Na ko nga ingoa o tenei whenua ko Ohaua ko te Hoanga kei te taha ki te Hauta o te awa o Waiharakeke Kawhia. Na ko nga rohe koia enei ka timata i tatahi i Te Kahikatea haere tonu ki te hauta i tetahi a—Te Hoanga, a—Waipapa, katahi ka piki ka Boundaries. [160 acres.] anga ki te Weta tika tonu te raina ki runga ki Hekepo ka anga ki te Nota haere tonu i runga i te kaweke i Waewaetarakihi a—te ritenga ra ano o te taiepa o te whenua o Hohepa, ka anga ki te Marangai heke tonu iho i te taha ano o taua taiepa ki te Kahikatea ra ano i tatahi.