Rangiawhia, Waikato.
Free Grant to R. C.
Bishop of Auckland as Site for School and Mission Station1854. 2 January.Upper Waikato
Matou ko nga Rangatira o Rangiawhia kei te motu Hauraro o Nu
Tireni, i huihui to Rangiawhia. matou wakaaro ki tenei takiwa, ki te tuarua o nga ra o Hanuare kotahi mano e
waru rau e rima tekau ma wha, ki te tuku atu, utu kore, he wahi oneone ki a te Kuini
o Ingarani mo tona tukunga noatanga atu taua oneone ki te Pihopa o te Hahi Katorika
Romana o Akarana mo nga tikanga katoa, me nga matenuitanga katoa o te mahi Kura ki o
matou tamariki me nga tikanga o to matou Hahi Katorika Romana; ko te oneone i tukua
noatia atu e matou ki tena tikanga koia tenei nga rohe Kei te tonga ko te pukenga
Boundaries. [298acres.] wai o te huri o te Rua o Tawhiwhi e wha rau e rima tekau pea nga hikoinga
waewae, a—haere atu ki taua tikanga e wha rau ano nga hikoinga waewae, ko te mutunga
tera o te rohe ki te tonga. Kei te Marangai, kotahi mano e rua rau pea nga hikoinga
waewae —he rerenga tika tena, e timata ana ki te kokonga o te rohe o te taha o te
tonga—ka haere ki te tikanga o te Hauraro otiira—kei te mutunga o aua kotahi mano e
rua rau nga hikoinga waewae ka whai kokoru te rohe ki te marangai—ko te tikanga o te
mahuetanga o taua kokoru i waho i tena rohe—he Rauiri tuna na Tangihoere ma, ko te
nui o taua kokoru koia tenei: tetahi taha e ono tekau nga hikoinga waewae—te taha o
roto kotahi rau e ono tekau pea nga hikoinga waewae—te toru o nga taha o taua kokoru
e rua rau pea nga hikoinga waewae—i muri o tena taha ka haere horipu ano te ritenga
o te rohe ki te Marangai mo nga hikoinga waewae e toru rau kotahi tekau pea ka tae
tena rerenga ki te rohe ki te taha o te Hauraro, ko tena rohe, he rohe-horipu—ko
tona roa E waru rau ma rima pea nga hikoinga waewae—Toe ana te rohe ki te Hauauru—he
rerenga horipu i te timatanga—tona roa kotahi mano kotahi te rau pea nga hikoinga
waewae, i te mutunga o ena ka kopiko atu ki te wakamate o te Huri o te Rua o
Tawhiwhi, te roa o tena rerenga e toru rau e waru nga tekau pea o nga hikoinga
waewae, ko te mutunga tena, kua tae hoki ki te timatanga o te roho ki te tonga Ko
Mangapiko e rere ana i waenga o tena oneone, ko te wahi oneone ki tera taha o
Mangapiko ko Tikotata te ingoa maori,—ko te wahi ki tenei taha ko te Rakopure, tona
takotoranga kei te tikanga o te Hauraro ma Marangai i te huri i Tawhiwhi—ki
Rangiawhia—E waru tekau pea nga Eka he Ngahere,—ko te nuinga he waenga rarauhe te
huihuinga o nga eka i roto i tena whenua E rua nga rau e iwa tekau ma waru nga Eka i
te wakakitenga o te kai ruri whenua i tukua mai e Kawana ki tenei takiwa.
Ko tena wahi whenua, E rua rau, e iwa tekau ma waru eka tona nui, kua oti Purposes of grant nei te wakaahua nga rohe o tona roa me tona takiwa i roto i tenei
tuhituhinga o matou —e tuku atu nei matou ake tonu atu, mo nga tikanga o te kura me
te Hahi katorika romana—hei nohoanga, okiokinga, whenua; ngakinga, turanga whare
kura, aha noa ranei mo nga Pirihi me nga kaiwakako me nga Akonga e meatia ana e te
Pihopa o te Hahi Katorika romana o Akarana ki nga takiwa katoa ake tonu atu—Koia ka
tuhituhi e matou to matou ingoa ki raro i tenei pukapuka ki to matou ringa pu ake,
hei wakakite i te tuponotanga, hei pupuru i nga tikanga hoki o tenei pukapuka o
matou mo tena wahi Oneone.
Hoani Papita Kahawai x his mark.
Hory Te Waru.
Turimanu.
Penetita Te Wharaunga x his mark.
TeWanaTarakaka x his mark
Tehemara
Piritahi x his mark.
Werahiko Te Rongotoa x his mark.
(Nga Kaikite o te tuhituhinga—)
Charles Henry Strauss, Witness.
Thomas Power.