Paeroa Block, Mercury Island, Coromandel District.
1858. 13 August.Coromandel District.Tenei Pukapuka i tuhituhia i tenei tekau ma toru 13 o nga ra
o Akuhata i te tau o to tatou Ariki 1858 he Pukapuka tino hoko tino hoatu tino
tuku whakaoti atu na matau na nga Rangatira me nga Tangata o Ngati Karaua no
ratou nga ingoa e mau i raro nei Paeroa. a hei whakaatu tenei Pukapuka mo matou mo o matou whanaunga me o matou
uri mo te tuhituhinga o o matou ingoa ki tenei pukapuka i raro i te ra e whiti
nei kua whakarerea rawatia kua tino tukuna rawatia atu ki a Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni e toru tekau £30 kua
utua mai ki a matou e Te Pirihi kai whakarite whenua mo te Kuini (a e whakaaetia
nei e matou te rironga mai o aua moni) ko taua wahi whenua katoa kei Ahuahu ko
Paeroate ingoa o taua wahi whenua ko nga rohe kei raro i te Pukapuka nei e mau
ana te korero whakahaere ko te mapi hoki o taua whenua kua apititia ki tenei. Me
ona rakau me ona kowhatu me ona wai me ona awa nui me ona roto me ona awa ririki
me nga mea katoa o taua whenua o runga ranei o raro ranei i te mata o taua
whenua me o matou tikanga me o matou take me o matou paanga katoatanga ki taua
wahi; Kia mau tonu ki a Kuini Wikitoria ki ona uri ki ana ranei e whakarite ai
hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o Te Pirihi Boundaries. Kaiwhakarite Whenua. Ko nga rohe enei o taua whenua ka timata i
Waiparuparu haere ki te marangae ma tonga a—Urututu maro tonu i kona a—te Rae o
Ngakoromatua miri tonu ma tatahi a—Taiwhatiwhati katahi ka huri ki uta ma te
taha o ta Wepiha a— Poteku ka huri whaka te tonga a—Parauri whai tonu i tatahi a
Waiparuparu.
Rawiri Warana.
Ko nga tangata i kite i te hoatutanga o nga moni me te tuhinga o nga
ingoa—
J. W. Preece.
Receipt for £30. Kua riro mai ki a matou i tenei ra i te tekau ma toru 13
th o nga ra o
Akuhata i te tau o to Tatou Ariki Kotahi mano e waru rau e rima tekau ma waru
(1858) nga Pauna moni e toru tekau (£30) Ko te utu tenei whakahuatia ki te
Pukapuka tuku e mau i runga ake nei kia utua mai ki a matou e Te Pirihi
Kaiwhakarite Whenua mo te Kuini.
Rawiri Warana.
James Preece,
District Commissioner.
Nga Kai-titiro—
J. W. Preece.