Atiu. Block, Mercury Bay, Coromandel District.
1858. 12 August.Coromandel District.Tenei Pukapuka i tuhituhia i tenei Tekau ma rua 12th o nga ra
o Akuhata i te tau o to tatou Ariki 1858 he Pukapuka tino hoko tino hoatu tino
tuku whakaoti atu na matou na nga Atiu. Rangatira me nga Tangata o Ngati Maru no ratou nga ingoa e mau i raro
nei a hei whakaatu tenei Pukapuka mo matou mo o matou whanaunga me o matou uri
mo te tuhituhinga o o matou ingoa ki tenei pukapuka i raro i te ra e whiti nei
kua whakarerea rawatia kua tino tukuna rawatia atu ki a Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni e rima tekau ma rua £52
kua utua mai ki a matou e Te Pirihi kai whakarite whenua mo te Kuini (a e
whakaaetia nei e matou te rironga mai o aua moni) ko taua wahi whenua katoa kei
te Marangai o Ahuahu ko Atiu te ingoa o taua wahi whenua ko nga rohe kei raro i
te Pukapuka nei e mau ana te korero whakahaere ko te mapi hoki o taua whenua kua
apititia ki tenei. Me ona rakau me ona kowhatu me ona wai me ona awa nui me ona
roto me ona awa ririki me nga mea katoa o taua whenua o runga ranei o raro ranei
i te mata o taua whenua me o matou tikanga me o matou taka me o matou paanga
katoatanga ki taua wahi; Kia mau tonu ki a Kuini Wikitorie ki ona uri ki ana
ranei e whakarite ai hei tino mau tonu ake tonu atu. A hei tohu mo to matou
whakaaetanga ki nga tikanga katoa o tenei Pukapuka kua tuhituhia nei o matou
ingoa me o matou tohu. A hei tohu hoki mo te whakaaetanga o te Kuini o Ingarani
mo tana wahi ki nga tikanga katoa o tenei Pukapuka kua tuhia nei te ingoa o Te
Pirihi Boundaries. [300 acres.] Kaiwhakarite Whenua. Ko nga rohe enei o taua whenua ka timata i Nihorahi
miri tonu ma te taha o te moana a taka noa ki taua wahi ano. Me nga motu e rua e
takoto Two adjacent islands included. ki te taha ki te Tuaraki ko Ngauraparapa te ingoa o tetahi ko Katoeka te
ingoa o tetahi.
Pirika.
Hehe.
Rapanax tona tohu.
Ko nga tangata i kite i te hoatutanga o nga moni me te tuhinga o nga
ingoa—
Taipari.
Receipt for £52. Kua riro mai ki a matou i tenei ra i te tekau ma rua 12 o nga ra o Akuhata
i te tau o to Tatou Ariki Kotahi mano e waru rau e rima tekau ma waru (1858) nga
Pauna moni E rima tekau ma rua (£52) Ko te utu tenei kua whakahuatia ki te
Pukapuka tuku e mau i runga ake nei Ma utua mai ki a matou e Te-Pirihi kai
whakarite whenua mo te Kuini.
Pirika.
Hehe.
Rapanax tonu tohu.
Nga Kai-titiro—
Taipari.
James Preece,
District, Commissioner.