1858. 8 August.Coromandel District.Tenei Pukapuka i tuhituhia i tenei te waru o nga ra o Akuhata i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Wainuiototo and Pungapunga. Rangatira me nga Tangata o Te Patukirikiri o Nga te Karaua o Ngati Pare no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarini ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua rau ma hoko rima tekau ma rima kua utua mai ki a matou e Te Pirihi te kaiwhakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei page 365Whangapoua ko Wainuiototo ko te Pungapunga nga ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarini mo tana wahi ki nga tikanga katoa o tenei Pukapuka kua tuhia nei te ingoa o Te Pirihi Kaiwhakarite Whenua. Ko nga rohe enei o taua whenua ka timata i Te Harakeke ka haere whaka Boundaries. te hauauru ma tonga ka whai tonu ma runga o te tau a Te Panui ka huri whaka te marangai ma tonga a- Ahingarehu ka anga atu ki te awa ki te Hekenga ka miri tonu ki te taha o te awa o te Pungapunga ka haere a—te Pua ka anga whaka te Tuaraki a —Parewa ka haere tonu a 'Tereretauraki ka haere a—Motu Tou ka' anga ka haere ra te Akau a—Te Harakeke.