Whakakapua Block, Mercury Island, Coromandel District.
Tenei Pukapuka i tuhituhia i tenei te rua tekau o nga ra o
Hanuere i te tau o to 1865. 20 January.
Coromandel District. tatou Ariki 1865 he Pukapuka tino hoko tino hoatu tino tuku whakaoti atu
na matou na nga Rangatira me nga Tangata o Ngatiwhanaunga no ratou nga ingoa e
mau i raro nei a hei whakaatu tenei Pukapuka mo matou mo o matou whanaunga me o
matou uri Whakakapua. mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia atu ki a Wikitoria
Kuini o Ingarani ki ona uri ki nga Kingi ki nga Kuini o muri iho i a ia me ana
me a ratou e whakarite ai hei whakaritenga mo nga Pauna moni E toru tekau ma ona
me tekau herini kua utua mai ki a matou e Hemi Pirihi mo te Kuini (a e
whakaaetia nei e matou te rironga mai o aua moni) ko taua wahi whenua katoa kei
Ahuahu ko Whakakapua te ingoa o taua wahi whenua ko nga rohe kei raro i te
Pukapuka nei e mau ana te korero whakahaere ko te mapi hoki o taua whenua kua
apititia ki tenei. Me ona rakau me ona kowhatu me ona wai me ona awa nui me ona
roto me ona awa ririki me nga mea katoa o taua whenua o runga ranei o raro ranei
i te mata o taua whenua me o matou tikanga me o matou take me o matou paanga
katoatanga ki taua wahi; Kia mau tonu ki a Kuini Wikitoria ki ona uri ki ana
ranei e whakarite ai hei tino mau tonu ake tonu atu. A hei tohu mo to matou
whakaaetinga ki nga tikanga katoa o tenei Pukapuka kua tuhituhia nei o matou
ingoa me o matou tohu. A hei tohu hoki mo te whakaaetanga o te Kuini o Ingarani
mo tana wahi ki nga tikanga katoa o tenei Pukapuka kua tuhia nei te ingoa o Hemi
Pirihi Kaiwhakarite Whenua. Ko nga rohe enei o taua whenua ka timata i te Boundaries. [73 acres] hauraro i te taha o te moana i Waiparuparu haere tonu whaka te tonga ki
runga ki nga rohe o te whenua o te Kuini i Paeroa me Paoneone a te taukaka o
Takanui, ka haere ki runga ki te rohe o te whenua o te Kuini i Hangarua ki te
taukaka o Whakarewa, ka whati i kona ka haere whaka te haurunga ki runga ki te
rohe o Hangarua tae noa te Ara Paiaka, ka whati i kona haere tonu whaka te
hauauru ki Parikorora ka haere tonu i te akau ki Waiparuparu ki te wahi i timata
ai, ko te nui o taua whenua e whitu tekau ma toru eka.
matenga ngaupara.
Rawiri te Ua.
James Preece,Acting D.L.P.C.
Ko nga tangata i kite i te hoatutanga o nga moni me te tuhinga o nga
ingoa—
James Mackay, Jr., Civil
Commr., Hauraki.
Tioriori te Hura.
Kua riro mai ki a matou i
tenei ra i te rua tekau o nga ra o Hanuere i te tau o
Receipt for £36. 10. to tatou Ariki Kotahi mano e waru rau ono tekau ma rima (1865) nga Pauna
moni E toru tekau ma ono me tekau herini (£36 – 10 - 0.) Ko te utu whakarite
tenei kua whakahuatia ki te Pukapuka tuku e mau i runga ake nei kia utua mai ki
a matou e Hemi Pirihi mo te Kuini.
Matenga ngaupara.
Rawiri te Ua.
Nga Kai-titiro—
James Mackay, Jr., C.C.,
Hauraki.
Tioriori te Hura.