Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Waihihi.Block, Cabbage Bay, Coromandel District

Waihihi.Block, Cabbage Bay, Coromandel District.

1862. 8 October.Coromandel District.Tenei Pukapuka i tuhituhia i tenei te waru (8th) o nga ra o Oketopa i te tau to tatou Ariki 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatitpare, Ngatitamatera no ratou nga ingoa e mau i Waihihi. raro nei a heiwhakaatu tenei Pukapuka mo matou mo o maton whanaunga me o matou uri mo te tuhituhihga o o matou ingoa ki tenei pukapuka i raro i te ra e whiti nei kua whakarerea rawatia. kua tino tukuna rawatia atu ki a Wikitoria Kuini o Ingarani ki ona uri ki nga Kingi Kuini ranei o muri iho i a ia me ana me a ratou e whakarite ai hei whakaritenga mo nga Pauna moni e waru pauna e rima hereni e wha kapa kua utua mai ki a matou e Te Mete mo te Kuini (a e whakaaetia nei e matou te rironga mai o aua moni) ko taua wahi whenua katoa kei Cabbage Bay ko Waihihi te ingoa o taua wahi whenua ko nga rohe ker raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu, hoki mo te whakaaetanga o ta Kuini o Ingarani mo tana wahi ki nga tikanga katoa o tenei Pukapuka kua tuhia nei te ihgoa o Boundaries. [41a. 1r. 17p.] Te Mete Kaiwhakarite Whenua. Ko nga rohe enei o taua whenua ka timata i tatahi ka haere i runga i te raina ruri o te Mete—te tohu te kapehu 199° 35'—3512 riki ka huri 314°. 25'—666 riki—337° 0'—520 riki—331° 0'—390 riki a Matanginui ka huri 186°.15'—2255 riki.a tae noa ki tatahi, ka haere tonu i tatahi a Waihihi—haere tonu a tutaki noa ki te timatanga.

S. Percy Smith.
te tahana.
Paratene xhis mark.

Ko nga tangata i kite i te hoatutanga o nga moni me te tuhinga o nga ingoa—

G. W. Williams, N.L.P.D.
S.D. Taiwhanga, N.L.P.D.

Receipt for £8. 5. 4. Kua ririo mai ki a matou i tenei ra i te waru (8th) o nga ra o Oketopa i te tau o to Taton Ariki Kotahi mano e waru rau a ond tekau ma rua (1862) nga Pauna moni e waru pauna, e rima hereni e wha kapa (£8 . 5 . 4) Kohte utu whakamutunga tenei kua whakahuatia ki te Pukapuka tuku e mau i runga ake nei kia utua mai ki a matou e Te Mete mo te Kuini.

te tahana.
Paratene xhis mark.

Nga Kai-titiro—

G. W. Williams N.L.P.D.
S. D. Taiwhanga, N.L.P.D.