Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Ongohi Block, Awakanae, Coromandel District

Ongohi Block, Awakanae, Coromandel District.

1862. 14 June.Coromandel District.Tenei Pukapuka i tuhituhia i tenei tekau ma wha o nga ra o Hune i te tau o to tatou Ariki 1862 he Pukapuka tino hoko tino hoatu tino tuku whakaoti atu na matou na nga Ongohi. Rangatira me nga Tangata o Ngatiwhanaunga no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani Ki ona uri ki nga Kingi ki nga Kuini o muri iho i a ia me ana me ratou e whakarite ai hei whakaritenga mo nga Pauna moni e rima tekau (£50) kua utua mai Ki a matou e Te Uira (Geo W. Drummond Hay) mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiau i Te Awa Kanae ko Ongohi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Uira (Geo W. Boundaries. [277 acres.] Drummond Hay) Kaiwhakarite Whenua. Ko nga rohe enei o taua whenua ka timata i Otane moe roa i Te Awa Kanae ka haere ki Te Roto ka whati ka haere whaka te marangae ka puta ki Taukaha ka whati ka ahu whaka te tonga ka puta ki Te Awa Kanae kei Kahikatea roa, ka haere i roto o te awa a puta noa kei Otane moeroa.

Heta (Heta tona x tohu Ware.)
Geo. W. Drummond Hay, D.C.

Ko nga tanga i kite i te hoatutanga o nga moni me te tuhinga o nga ingoa—

Rawiri te ua.
Henry Monro.
W. J. Gundry.

Receipt for £50. Kua riro mai ki a matou i tenei ra i te tekau ma wha o nga ra o Hune i te tau o to Tatou Ariki Kotahi mano e waru rau e ono tekau ma rua (1862) nga Pauna moni e rima tekau (£50) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Uira (Geo W. Drummond Hay) mo te Kuini.

Heta tona x tohu Ware.
Geo. W. Drummond Hay, D.C.

Nga Kai titiro—

Rawiri te ua.
Henry Monro.
W. J. Gundry.