Tenei Pukapuka i tuhituhia i tenei te 22nd o nga ra o Hurae i te tau o to tatou Ariki 1861. 22 July. Coromandel District. 1861 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwanaunga no ratou nga ingoa e mau I raro nei a hei whakaatu tenei Pukapuka mo matou mo o matou whanaunga me o matou uri mo te Te huruhi. tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau kotahi tekau kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ahuahu ko Te Huruhi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o William N. Searancke Kai whakarite Whenua. Ko nga rohe enei o taua whenua ka timata i Te Rae ia whare Boundaries. [466 acres.] ka rere Piraurahi a Waipiro, a Manawakorau a Te Huruhi a Ta Kaiakatea a tika tonu kei Pouteke a Oparia a rere tonu i te taha moana Ururoarahi, Te Whauwhau, Hurua, Tatamewhera Tanganui a tae noa kei Watamongo, i konei ka ahu i runga i te rohe o te whenua kua oti te tuku atu ki a te Kuini i mua kei te Rahi i a whare, ka tutaki.