Opito Block, Mercury Bay, Coromandel District.
1860. 2 November.Coromandel District.Tenei Pukapuka i tuhituhia i tenei te rua o nga ra o Nowema i
te tau o to tatou Ariki 1860 he Pukapuka tino hoko tino hoatu tino tuku whakaoti
atu na matou na nga Opito. Rangatira me ngaTangata o te Matewaru no ratou nga ingoa e mau i raro
nei a hei whakaatu tenei Pukapuka mo matou mo o matou whanaunga me o matou uri
mo te tuhituhinga o o matou ingoa ki tenei pukapuka i raro i te ra e whiti kua
whakarerea rawatia kua tino tukuna rawatia atu ki a Wikitoria Kuini o Ingarani
ki ona uri ki nga Kingi ki nga Kuini o muri iho i a ia me ana me a ratou e
whakarite ai hei whakaritenga mo nga Pauna moni kotani rau e ono tekau ma rua
£162 kua utua mai ki a matou e te Pirihi mo te Kuini (a o whakaaetia nei e matou
te rironga mai o aua moni) ko taua wahi whenua katoa kei Opito ko Opito te ingoa
o taua wahi whenua ko nga rohe kei raro i te Pukapuka nei e mau ana te korero
whakahaere ko te mapi hoki o taua whenua kua apititia ki tenei. Me ona rakau me
ona kowhatu me ona wai me ona awa nui me ona roto me ona awa ririki me nga mea
katoa o taua whenua o runga ranei o raro ranei i te mata o taua whenua me o
matou tikanga me o matou take me o matou paanga katoatanga ki taua wahi; Kia mau
tonu ki a Kuini Wikitoria ki ona uri ki ana ranei e whakarite ai hei tino mau
tonu ake tonu atu. A hei tohu mo to matou whakaaetanga ki nga tikanga katoa o
tenei Pukapuka kua tuhituhia nei o matou ingoa me o matou tohu. A hei tohu hoki
mo te whakaaetanga o te Kuini o Ingarani mo tana wahi ki nga tikanga katoa o
tenei Pukapuka kua tuhia nei te ingoa o te Pirihi Kaiwhakarite Boundaries. Whenua. Ko nga rohe enei o taua whenua ka timata i Whangaroa haere whaka
te Tuaraki a Tireki ka anga ki te Marangai a Waitaha haere tonu a Matapane a
Waitaha haere tonu Waikura a Opito ka anga ki te Marangai ma Tonga a Panekokiri
ka anga ki te Hauauru Matukutakotako a te Tahanga ka haere ma te taha o te awa
Waikura a te Whangaroa ka mutu. Ko te Motu ko Motuwhairaka ka tukua atu nei
hoki.
Paora te Putu.
Himiona.
Ko nga tangata i kite i te hoatutanga o nga moni mo te tuhinga o nga
ingoa—
Ko Wiremu hopihona
John Hobbs.
Receipt for £162. Kua riro mai ki a matou i tenei ra i te rua o nga ra o Nowema i te tau o
to Tatou Ariki Kotahi mano e
warn rau e ono tekau ma (1860) nga Pauna moni
Kotahi rau e ono tekau ma rua (£162) Ko te utu tenei kua whakahuatia ki te
Pukapuka tuku e mau i runga ake nei kia utua mai ki a matou e Te Pirihi mo te
Kuini.
Paora te Putu.
Himiona.
James Preece,
District Land Purchase Commissioner.
Nga Kai-titiro—
Ko Wi hona.
John Hobbs.