Tenei Pukapuka i tuhituhia i tenei te tekau ma toru o nga ra o Hanuere i te tau o 1860. 13 January. Coromandel District. to tatou Ariki 1860 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngati Karawa no ratou nga ingoa Hangarua. e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau £100 kua utua mai ki a matou e Te Pirihi kai whakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ahuahu ko Hangarua te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi Kaiwhakarite Whenua. Ko nga rohe enei Boundaries. o taua whenua ka timata i Pukekokoromiko ka haere ki te tonga ma tatahi a Mataruawhau haere tonu a Paeroa—a—Hangarua ka tapahi ki uta ma te ruritanga o te Hiwhi a Ototoke ka haere ki te tuaraki a Te Whakapu ka huri ki te marangae a Te Hutukawa ka huri ki te tonga ka puta ki te moana ki Ohaka ka haere ma tatahi a—Tokakahakaha haere ki te te hauauru ma raki a—Omomona a ki te hauauru a—Pukekokoromiko timata tetahi i Puahutukawa haere tonu ki te hauauru ma raki ma te taha o nga pihi kua tukuna a Whakarewa ka haere ma te ruritanga a Te Arapaiaka miri tonu ki te moana a Tangihiamahanga ka huri ki te marangai a Puahutukawa.