Tenei Pukapuka i tuhituhia i tenei te rima o nga ra o Akuhata i te tau o to tatou 1859. 5 August. Coromandel District. Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngati Hei no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te Whenuakite. tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua rau e rima tekau £250 kua utua mai ki a matou e Te Pirihi kai whakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whitianga ko Whenuakite te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingerani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi Kaiwhakarite Whenua. Ko nga rohe enei o taua whenua ka timata i Okuau ka haere ki te Boundaries. marangai ma tonga ki Motutapere haere tonu a Te rangaheketoro maro tonu a— —Huruhurutakina whai tonu i taua awa a—te awa o Whenuakite miri tonu ma te taha o te awa a Te Hape ka haere i waho o nga manawa ki te hauauru ma raki a—tae tonu ki Okuau.