Waitataramoa Block, Coromandel District.
1859. 18 July.Coromandel District.Tenei Pukapuka i tuhituhia i tenei Te tekau ma waru o nga ra
o Hurae i te tau o to tatou Ariki 1859 he Pukapuka tino hoko tino hoatu tino
tuku whakaoti atu na matou na nga Rangatira me nga Tangata o Ngati Naunau no
ratou nga ingoa e mau i raro nei Waitataramoa. a hei whakaatu tenei Pukapuka mo matou mo o matou whanaunga me o matou
uri mo te tuhituninga o o matou ingoa ki tenei pukapuka i raro i te ra e whiti
nei kua whakarerea rawatia kua tino tukuna rawatia atu ki a Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni e wha tekau £40 kua utua
mai ki a matou e Te Pirihi kai whakarite whenua mo te Kuini (a e whakaaetia nei
e matou te rironga mai o aua moni) ko taua wahi whenua katoa kei Waiau ko
Waitataramoa te ingoa a taua wahi whenua ko nga rohe kei raro i te Pukapuka nei
e mau ana te korero whakahaere ko te mapi hoki o taua whenua kua apititia ki
tenei. Me ona rakau me ona kowhatu me ona wai me ona awa nui me ona roto me ona
awa ririki me nga mea katoa o taua whenua o runga ranei o raro ranei i te mata o
taua whenua me o matou tikanga me o matou take me o matou paanga katoatanga ki
taua wahi; Kia mau tonu ki a Kuini Wikitoria ki ona uri ki ana ranei e whakarite
ai hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa Boundaries. o Te Pirihi Kaiwhakarite whenua. Ko nga rohe enei o taua whenua ka
timata i Otara maro tonu ma te taha o to Piri Moa a—Kopumakona haere tonu ma
runga o te kaka a—Tauwharepukapuka ka huri ka haere whaka tatahi a—Te kawe o Tu
haere tonu ma tatahi a—Otara.
Mohi x Nga Toru.
Erueti Wetea.
Ko nga tangata i kite i te hoatutanga o nga moni me te tuhinga o nga
ingoa—
J. W. Preece, Settler, Coromandel.
Weeden Adamson, Tutor,
Coromandel.
Receipt for £40. Kua riro mai ki a matou i tenei ra i te tekau ma waru o nga ra o Hurae i
te tau o to Tatou Ariki Kotahi mano e waru rau e rima tekau ma iwa (1859) nga
Pauna moni e wha tekau (£40) Ko te utu tenei kua whakahuatia ki te Pukapuka tuku
e mau i runga ake nei kia utua mai ki a matou e Te Pirihi kai whakarite whenua
mo te Kuini.
Mohi x Nga Toru.
Erueti wetea.
Nga Kai-titiro—
J. W. Preece, Settler, Coromandel.
Weeden Adamson, Tutor,
Coromandel.
James Preece,
District Land Purchase
Commissioner.