Tenei Pukapuka i tuhituhia i tenei tekau ma rua o nga ra o Aperaira i te tau o to 1859. 12 April. Coromandel District. tatou Ariki 1859 he Pukapuka tino hoko tino tuku whakaoti atu na matou na nga Rangatira me nga Tangata o Ngatihau no ratou nga ingoa e mau raro nei a hei Tuhua Nui Island. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarini ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rima £5 kua utua mai ki a matou e Te Pirihi te Kai whakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei te kongutu awa o Waiau ko Tuhua Nui te ingoa o taua wahi whenua ko nga rohe kei raro i te Pukapuka nei e mau ana te korero iwhakahaere ko te mapi koki o taua whenua kua apititia ki tenei Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi Kaiwhakarite Whenua. Ko nga rohe enei o taua whenua ka Boundaries. timata i taha Ki te Poroporo taka tonu Ki te taha moana o te taha o te Poroporo.