Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Patapata Block, Waiau, Coromandel District

Previous Section | Table of Contents | Up | Next Section

Patapata Block, Waiau, Coromandel District.

1857. 24 October.Coromandel District.Tenei Pukapuka Toku whenua i tuhituhia nei i tenei ra i te rua tekau ma wha o nga ra o Oketopa i tenei tau o to tatou Ariki a Ihu Karaiti kotahi mano e waru rau e rima tekau ma whitu 1857.
Patapata. Tena ano etahi Pakeha he tamariki o Wikitoria te Kuini o Ingarani i hoko etahi whenua ki te Motu ki te Poioporo me etahi whenua hoki ki te tuawhenua ki te taha ki te hauauru o Waiau, i waiho e ratou etahi wahi o nga utu i whakaritea kihai i hoatu ki nga tengata no ratou aua whenua.

Tena ano hoki etahi papatupu i whakaauruauru ki roto ki to nga Pakeha kahore ano i hokona, no nga tangata o te Patukirikiri ena wahi, na, he mea tika kia hokona ena wahi inaianei kia tukua rawatia ki te Kuini o Ingarani mana, ma ana tukunga iho.

Na Kia Mohio Nga Tangata Katoa e kite nei tenei Pukapuka ko matou kua tuhituhia nei o matou ingoa ki tenei pukapuka nga rangatira me nga tangata o te Patukirikiri e noho ana ki Kapanga: na ka hoko ka tukua rawatia atu nei te Motu katoa ko te Poroporo ko tona rohe ki te waitai, takanoa, takanoa.

Boundaries. Ko nga rohe o te tuawhenua ka timata ki te Hihi ki te awa ki Kapanga ka haere ma te awa i keria e te Wepeha taenoatia ki te ruritanga o te Hiwhi, ki te kering a Koura haere tonu i taua ruritanga whiti tonu i te Waikaratia a—te nohoanga o te whare o te Kiri: haer tonu ki r runga ki te taukaka a—Te Tihi o Taupiri a haere tonu ki runga ki te taukaka a Kaipo heke tonu ki te moana Iwhitoto miri ki te moana whaka te tonga a—Whenuakura haere tonu te taha o te waitai a—Makariai, Patapata, te Wairoa te Tokanga a—ta Muko, te Kauri a—te Hihi na ko te ahua o tenei Motu me tenei whenua ka tuku atu e mau ana ki te taha ki tua o tenei pukapuka. Ko nga utu kua riro mai ka a matou he pahitanga mo tenei whenua katoa: Kotahi rau ma hoko rua nga pauna moni £120.

Na Kia Mohio Nga Tangata Katoa e whakaae ana matou i te rironga mai o enei moni. Heoi kua oti i a matou te i hurihuri, te poroporoaki te tino tuku rawa atu tenei whenua kua whakaaetia nei matou ki nga tikanga katoa o tenei pukapuka kua tuhituhi nei o matou ingoa me o matou tohu.

Mereana x.
Na Pita.
Na Whiu pihona.
Ma koare tanui.
te ranapia te ruri.
Na Hoani.
Na Wetere x.
Kuta.

Nga kai titiro ki enei tuhinga ingoa—

J. W. Preece, Junr.

Receipt for £120. Kua riro mai ki a matou i tenei ra i te rua tekau ma wha o nga ra o Okatopa i te tau o to tatou Ariki kotahi mano e waru rau e rima tekau ma whitu 1857 nga pauna moni kotahi rau ma hokorua £120 ko te utu tenei kua whakahuatia ki te pupapuka tuku e mau i runga ake nei kua utua mai ki a matou e te Pirihi mo te Kuini.

Mereana x.
Pita.
Na Wirm pihona.
Ma koare tanui.
te ranapia te ruri.
Hoani.
Wetere x.
Kuta.

Nga kai titiro ki te utunga o enei moni me te tuhinga o nga ingoa—

J. W. Preece, Junr.

Previous Section | Table of Contents | Up | Next Section