1859. 12 March.Coromandel District.Tenei Pukapuka i tuhituhia i tenei te tekau ma rua o nga ra o Maehe 12th i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngati Paoa no ratou nga ingoa e mau i raro nei a Kauri. hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau e whitu tekau £170 kua utua mai ki a matou e Te Pirihi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whitianga ko Te Kauri te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi te Kaiwhakarite Boundaries. Whenua. Ko nga rohe enei o taua whenua ka timata i Waitaia haere tonu ma tatahi a —Pokoharu ka rohe ka rere ki uta a Puke iti a whaka te hauauru ma raki ki Ramarama ka haere whaka te hauauru a—Wharua ka huri ki te hauauru ma tonga a—Mahungataitai maro tonu i reira a Te Kai o Te Paraua ka huri ki te tonga a—tika tonu ki Waitaia.