Tenei Pukapuka i tuhituhia i tenei 29 o nga ra o Nowema i te tau o to tatou Ariki 1858. 29 November. Coromandel District. 1858 he Pukapuka tino hoko tino hoatu tino tutu whakaoti atu na matou na nga Rangatira me nga Tangata o Ngatitehihi no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te Waitapu. tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rima tekau kua utua mai ki a matou e te. Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ahu Ahu ko te Waitapu te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki-tenei. Me ona rakau me ona kowhatu me ona wai me ona awa nui me ono roto me ono awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukupuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Donald McLean Kaiwhakarite Whenua. Ko nga rohe enei o taua whenua ka timata i te taha kua hokona e au ki te Kawanatanga ka Boundaries. rere na te Uruakeputa noa i te taha o te moana ki te Koru ka witi i te ngotinga ki te wahi i whakatapua mo te Moananui puta noa ki te Waitapu ka rere i te awa o te Waitapu ki tona matamata tae ki Ngatokarurua rere tika tonu ki Pohutukawa ka ahu na te raina o te ruritanga ki teUruake.