1858. 13 November.Coromandel District.Tenei Pukapuka i tuhituhia i tenei te tekau ma toru o nga ra o Noema i te tau o to tatou Ariki 1858 he Pukapuka tino hoko tino hoatu tino tuku whakaoti atu naku na te Rangatira o Te Patukirikiri noku te ingoa e mau i raro nei a hei whakaatu tenei Pukeatua. Pukapuka moku mo oku whanaunga me oku uri mo te tuhituhinga o toku ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria te Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e whitu tekau £70 kua utua mai ki ahau e te Pirihi kai whakarite whenua mo te Kuini (a e whakaaetia. nei e ahau te rironga mai o aua moni) ko taua wahi whenua katoa kei page 373Waiau ko Puke Atua te ingoa o taua wahi whenua ko nga rohe kei raro i te Pupapuka nei e man ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki, me nga mea katoa o taua whenua o runga ranei o raro ranei i te mata o taua whenua me toku tikanga me toku take me toku paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo toku whakaaetanga ki nga tikanga katoa o tenei Pukapuka kua tuhituhia nei toku ingoa. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi Kaiwhakarite Whenua. Ko nga rohe enei o taua whenua ka timata i Te Tutu Boundaries. [350 acres.] haere whaka te tonga ma te rohe o ta Te Pirihi a—Te Kirikiri ka huri ki te_Marangai ma raki maro tonu a—Puke Atua whai tonu ma runga i te tau whaka te Hauauru ma raki a—Pukerahui haere ki te Hauaru ma tonga ma te rohe o ta Te Ara Kuri a—Te Tutu.