1858. 4 September.Coromondel District.Tenei Pukapuka i tuhituhia i tenei 4 te wha o nga ra o Hepetema i te tau o to tatou Ariki 1858 he Pukapuka tino hoko tino hoatu tino tuku whakaoti atu naku he Rangatira no Te Putukirikiri noku te ingoa e mau i raro nei a hei whakaatu tenei Pukapuka moku Matakitaki. mo oku whanaunga me oku uri mo te tuhituhinga o toku ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga-Pauna moni e waru tekau £80 kua utua mai ki ahau e Te Pirihi kai whakarite Boundaries whenua mo te Kuini (a e whakaaetia nei e ahau te-rironga mai o aua moni) ko taua wahi whenua katoa kei Waiau ko Matakitaki te ingoa o taua wahi whenua ko nga rohe kei rarb i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me toku tikanga me toku take me toku paanga katoatanga ki taua wahi; Kia mau tonu ki a Kuini Wikitoria ki ona uri ana ranei e whakarite ai hei tino mau tonu ake tonu atu. A hei tohu mo toku whakaaetanga ki nga tikanga katoa o tenei Pukapuka kua tuhituhia nei toku ingoa. A hei tohu hold mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o. Te Pirihi Kaiwhakarite Whenua. Konga rohe enei o taua whenua ka timata i Matakitaki haere tonu whaka te Marangae marake a tuhaki i te awa o Pitote whai tonu i te tau rewarewa a Te taheke ka huri ki te-marangae ma tonga whai tonud te taukaka o runga piko atu piko mai a-Pukerahui ka haere whaka 'te hauauru ma tonga ka tutaki atu ki ta te Pirihi ki Te Tutu miri tonu ki te tana o ta Te Pirihi a Matakitaki.