Waiuku No. 2 Block, Manukau District.
1864. 2 November.Manukau District.Tenei Pukapuka i tuhituhia i tenei te rua o nga ra o Nowema i
te tau o to tatou Ariki 1864 he Pukapuka tino hoko tino hoatu tino tuku whakaoti
atu na matou na nga Waiuku No. II. Rangatira me nga Tangata o Ngatiteata no ratou nga ingoa e mau i raro
nei a hei whakaatu tenei Pukapuka mo matou mo a matou whanaunga me o matou uri
mo te tuhituhinga o o matou ingoa ki tenei pukapuka i raro i te ra e whiti nei
kua whakarerea rawatia kua tino tukuna rawatia atu ki a Wikitoria Kuini o
Ingarani ki ono uri ki nga Kingi ki nga Kuini o muri iho i a ia me ana me a
ratou e whakarite ai he whakaritenga Price of block, £5,250. mo nga pauna moni e rima mano e rua rau e rima tekau (£5250 - 0 - 0) kua
utua mai ki a matou e Te Tatona Kai whakarite whenua mo te Kuini (a e whakaaetia
nei e matou te rironga mai o aua moni) ko taua wahi whenua katoa kei Waiuku ko
Waiuku te ingoa o taua wahi whenua ko nga rohe kei raro i te Pukapuka nei e mau
ana te korero whakahaere ko te mapi hoki o taua whenua kua apititia ki tenei. Me
ona rakau me ona kowhatu me ona wai me ona awanui me ona roto me ona awa ririki
me nga mea katoa o taua whenua o runga ranei o raro ranei i te mata o taua
whehua me o matou tikanga me o matou take me o matou paanga katoatanga ki taua
wahi; Kia mau tona ki a Kuini Wikitoria ki ona uri ki ana ranei e whakarite ai
hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o Boundaries. Te Tatona Kaiwhakarite Whenua. Ko nga rohe enei o taua whenua ka timata
i te Pa o Kokako i Manukau, ka haere atu i reira ka whai tonu i te taha tika o
Manukau i te taha tika o te awa o Waiuku tae noa ki te Taone o Waiuku, ka haere
atu i reira i runga i te rohe o Waiuku tae noa ki te Awaroa, ka haere atu i
reira i roto i te Awaroa tae noa ki te Awa o Waikato, ka haere atu i reira i te
taha o te awa o Waikato tao noa ki te puaha, ka haere atu i reire, ka whai tonu
i te tai tuauru a tae noa ki te Pa o Kokako, ka te timatanga o nga rohe. Ko nga
ritenga katoa i oti rawa ai tenei hoko tenei te tuhia ki te pukapuka kua apitia
nei ki tenei. Haunga ano ia nga whenua i roto i nga rohe nei i hokona ketia i
mua e te Kawanatanga ka kapea ki waho o tenei hokonga.
page 351
Kua riro mai ki a matou i tenei ra i te rua o nga ra o Nowema i te tau o to
tatou Ariki Kotahi mano e waru rau ono tekau ma wha (1864) nga Pauna moni Kotahi
mano e rua rau e waru tekau ma whitu me nga hereni e whitu Ko te utu tuatahi
tenei kua
Receipt for | £1,287 7 |
Debts paid | 812 13 |
| £2,100 0 |
whakahuatia ki te Pukapuka tuku e mau i runga ake nei kia utua mai ki a
matou e Te Tatona Kaiwhakarite Whenua mo te Kuini. Apiti mai ki tenei nga moni
kua riro noa mai hei whakautu i o matou nama, ara £812 - 13 - 0.
Hui Katoa £2100 - 0 - 0. First and second instalments as per agreement.
Aihepene Kaihau.
Hori Tauroa.
Paora te iwi.
Paora te Kohe
x tona tohu.
Hoera te Oro x tona tohu.
Hemi Rahe x tona rahu
Paora Katuhi.
Rapata Kaihau.
Hemi Manu.
Te Kaha x tona
tohu.
Noha Piri x tona tohu.
Epiha Kaihau.
I Raia Whiti.
Kerei Tamana.
Wiremu Tauroa.
Waata Paora.
Eparaima Rairai.
Riria Kaihau x tona tohu.
Piti Paretai x tona tohu.
Mata Tawai x
tona tohu.
Riria Tawai x tona tohu.
Te Hira Ka Wau.
Wi
Ngaruawahia.
Matena Raketonga.
paora Ka tipa.
Mata
Ngaruawahia.
Na Aihepene Kaihau mo Karauria Waiti.
Na Aihepene
Kaihau mo Erueti Ponui.
Na Aihepene Kaihau mo Aperahama Amio.
Mohi
tehatoitoi.