1862. 24 May.Manukau District.Tenei Pukapuka i tuhituhia i tenei rua tekau ma wha o nga ra o Mei i te tau o to tatou Waiuku. Ariki 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatitipa no ratou nga ingoa e mau i raro nei a hei Ngatitipa claims. whakaatu tenei Putapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria te Kuini o Ingarini ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rima tekau takitahi kua utua mai ki a matou e Te Uira (G W. Drummond Hay) mo te Kuini (a e whakaaetia nei e matou te rironga mai o aua moni) Ko taua wahi whenua katoa kei Waikato ko nga rohe o taua wahi whenua kei raro i te Pakapuka nei e man ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi: Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Uira (Geo. W. Drummond Hay) Boundaries. Kaiwhakarite Whenua. Ko te rohe o taua whenua ki te taha ki te marangai, ka timata kei Te Iaroa, ka ahu whakauta, haere maro tonu puta noa ki Pukekowhae, hui katoa o matou wahi whenua i takoto nei ki te taha ki te hauauru o taua rohe, ara ko nga wahi katoa o nge a matou whenua i uru nei ki te tukunga o Arama Karaka ratou ko era atu rangatira maori i te tau kotahi mano e waru rau e rima tekau ma wha 1854. Kua tukua inaianei e matou i runga i nga ritenga i roto i tenei pukapuka.