Ko matou e mau ake nei nga ingoa e tino whakaae ana kia hoatu kia tukua atu kia 1856. 17 March.Manukau District. hokoa atu kia oti rawa atu ki a Wikitoria te Kuini o Ingarangi ki nga Kingi me nga Kuini i muri iho i a ia to matou whenua a Titi e takoto ana i roto i te whenua nui i Titi. hokoa i Waiuku.

E whakaae ana matou kia riro atu taua whenua me nga mea katoa o runga o raro ranei i te whenua. Ekore matou e poka noa ki te tono utu mo Titi a muri nei ekore matou e whakaae kia tono utu etahi atu tangata ta te mea hoki no matou pu ake tenei whenua a Titi a e whakaae pono ana i tenei ra kia wakamareretia rawatia i konei a Titi me nga rakau katoa me era atu mea katoa ki a Kuini Wikitoria me nga Kingi me nga Kuini i muri iho i a ia mo nga pauna moni kotahi rau e toru tekau £130 ka riro mai nei Receipt for £130. ki a matou i nga ringaringa o te Makarini te Tino Kai whakarite whenua. A mo te mea e tino pono ana to matou whakaaetanga ka tuhia o matou ingoa me o matou tohu i te tekau ma whitu o nga ra o Maehe i te tau o to tatou Ariki kotahi mano e waru rau e rima tekau ma ono.

Ko nga kaha o tenei whenua koia tenei kei te taha ki te Marangai ko te whenua Boundaries. kua hokoa e te Kuini ko Kopuamehameha ko te Tokitoki kei te Hauauru ko te whenua i hokoa e te Kuini ko Raukauere Pukokomakoe Tawirikorari kei te Tonga ko te whenua i hokoa e te Kuini ko Pawhau ko Tapuakaroro kei te tuaraki ko te whenua i hokoa e te Kuini ko Waihomu ko Pukemiro.