1853. 5 April.Manukau District.Ko Te Tuhituhinga o tenei pukapuka i te Rima o nga ra o Aperira i te tau kotahi mano waru rau e rima tekau ma toru te whakaaetanga o matou nga Rangatira o Te Maungaunga te whakaaetanga ano hoki o te Kuini o Ingarani mona, na ko matou ko Kahawai. nga tangata i te kainga e tuhituhia nei ki tenei pukapuka, na ka whakaae nei matou ki te hoko i tenei whenua ki a Kuini Victoria hei utu mo nga moni kotahi rau Pauna £100 kua homai nei ki a matou, nokonei ka hoatu nei, ka tuku atu nei ki a Victoria te Kuini o Ingarani, ki te Kingi, Kuini ranei o muri i a ia ake, ake, ake, i taua whenua me nga aha noa iho, aha noa iho o tenei kainga, ko ona rohe koia enei to te Hauauru, kei te awa Boundaries. o Manuka, to te tonga kei te awa o Manuka kei Kaiarara te timatanga ka haere a puta noa ki te awa o Otawahi to te marangai kei te awa o te Mauku ka haere to te hauraro koia kei te kopikonga o te awa o te Mauku a ngau noa ki te awa o Manuka ki to te Hauauru kua tuhituhia te ahua o te oneone ki tua nei. Tirohia o matou ingoa.