Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Pukeatua Block, Manukau District

Pukeatua Block, Manukau District.

1848. 13 October.Manukau District.Ko te tuhituhinga o tenei pukapuka i te ra 13 o Akatopa 1848 te whakaaetanga mo maua he rangatira o Ngatiwhatua, te whakaaetanga ano hoki o te Kuini o Ingarani Pukeatua. mona.

Na ko maua nga rangatira nga tangata i te kainga e tuhituhia nei ki tenei pukapuka, na ka whakaae maua ki te hoko i tenei whenua ko Pukeatua te ingoa ki a Kuini Victoria mo nga pauna moni e toru tekau ka hoatu nei ki a maua, nokonei ka hoatu ka tuku atu ki a Victoria te Kuini o Ingarani ki te Kingi Kuini ranei i muri i a ia ake ake ake i taua whenua me nga aha noa iho aha noa iho o tenei kainga, ko Pukeatua ko ona rohe koia enei:

Boundaries. Ko te kaha ki te marangai ka timata ki Ruatuna kei te taha o Wai-komiti kua oti nei te pou ka haere whakararo, ka piki ki runga te kaka o te To o Parahiku, ko te rohe tenei o te whenua i hokona ki te Poata, ko te kaha ki te hauraro haere ana i reira i runga i te kaka o te To o Parahiku, ki te taha ki te hauauru huri mai ana haere mai ana i runga te kaka o Otupango tae noa mai ki te Muriohikurangi, i reira ka haere ki te timatanga ki Ruatuna kua tuhituhia te ahua o te oneone ki tua nei. Tirohia o matou ingoa me o maua tohu.

Na Nganihi x tona tohu.
Wiremu Reweti.
Na te Matuku.

I te aroaro o—

Edwin Fairburn.
Ed. Fishwick.

Receipt for £30. Kua riro mai i a maua nga moni pauna e toru tekau, koia maua ka tuhituhi nei i o maua ingoa i tenei ra tekau ma toru o Akatopa i te tau o to tatou Ariki kotahi mano waru rau wa tekau ma waru.

Na Nganihi x tona tohu.
Na te Matuku.

I te aroaro o—

Edwin Fairburn.
Ed. Fishwick.