1848. 19 August.Manukau District.Ko Te Tuhituhinga o tenei pukapuka i te tahi tekau ma iwa o nga ra o Ahikuta i te tau kotahi mano waru rau wha tekau ma waru toku whakaaetanga he Rangatira no Nihotupu. Ngatiwhatua te whakaaetanga hoki o te Kuini o Ingarangi mona: na ko Wiremu Rewiti he Rangatira no Ngatiwhatua te tangata o te kainga i tuhituhia nei ki tenei pukapuka. Na ka whakaae nei taua Rangatira mona mo tona hapu ano hoki, ki te hoko i tenei whenua ki a Kuini Victoria hei utu mo nga pauna moni e Rua ka hoatu nei ki taua Rangatira no konei ka hoatu nei; ka tukua atu nei kia Victoria te Kuini o Ingarangi, ki te Kingi Kuini ranei o muri i a ia ake ake ake taua whenua me nga aha noa iho, aha noa iho o taua whenua te wahi o Nihotupu ko nga kaha o taua kainga koia enei.

Boundaries. Ki te hauraro timata ana ki te awa o Nihotupu i te Keringa a haere atu ki tetahi atu keringa ko te kaha ki te hauauru tenei a rere ki Puketutu, ko te kaha ki te tonga tenei; a rere atu ki Ngamoko ki te awa, ko te taha ki te marangai tenei: kua oti nei tenei kaha te kokoti.