Tenei Pukapuka tuku whenua e tuhituhia ana i tenei ra i te tekau ma rua o nga ra o 1857. 12 March.Auckland District. Maehe i te tau o to tatou Ariki Kotahi mano e waru rau e rima tekau ma whitu (1857) he pukapuka tino whakaae pono no matou na nga Rangatira me nga tangata o Ngatipaoa Omaru And Opopo. e mau nei nga ingoa ki tenei pukapuka mo matou mo o matou whanaunga me o matou uri e whanau i muri iho i a matou kia tino tukua rawatia tetahi wahi o to matou kainga i Omaru i Opopo kia Wikitoria te Kuini o Ingarani ki nga Kingi Kuini iranei o muri iho i a ia a ake tonu atu.

A mo to matou tino whakaaetanga kia tukua enei wahi o o matou kainga e whakaae ana a Wikitoria te Kuini o Ingarani kia utua matou mo aua kainga ki nga pauna moni ka whakahuatia ake nei:—ara mo Omaru kia rua rau pauua. Kotahi rau pauna o enei moni kua riro mai ki a matou i te tekau ma waru o nga ra o Mei i te tau 1854. Ko te toenga ara ko te rua o nga rau pauna kua riro mai ki a matou i tenei ra. Mo Opopo kia toru rau pauna (£300) Kotahi rau pauna i riro mai ite tekau (10) o nga ra o Hurae i te tau 1854. Kotahi tekau ma rima pauna (£15) i riro mai i te tekau ma rua (12) o nga ra o Hurae. E waru tekau ma rima pauna (£85) i riro mai i te toru tekau ma tahi o nga ra o Hurae o taua tau ake ano. Kotahi tekau pauna (£10) i riro mai i te rua tekau ma rima (25) o nga ra o Hepetema i te tau 1856. Huia katoatia e rua rau kotahi tekau pauna (£210) nga moni kua riro mai i mua mo Opopo toe ake nei e iwa tekau pauna (£90) a ko tenei toenga kua riro mai nei ki a matou i tenei ra na to Makarini i homai. Kati oti katoa nga utu katoa mo aua whenua mo Omaru mo Opopo.

Ka timata te rohe o Omaru i tatahi i Opuhi ka ahu whakauta ki Tauinata tirohia Boundaries of Omaru. maro tonu te Wa o Tu haere tonu Taumata hinau haere tonu Pukekaroro ka haere i te page 300awa o te Matuku i te Ahu ka haere tonu j roto i tana awa a Pukeokai ka haere tonu i te hiwi o Whakataupoho a makere noa ki te Rakewhau eke noa ki te Ti haere tonu runga i te hiwi o Tangamata na haere tonu i te takutai a tuhono noa ki Opuhi.

Boundaries of Opopo. Ka timata te rohe o Opopo ki te kongutuawa o Opopo ka haere tonu i te takutai o te moana a taka noa ki te Wairere ka ahu whakauta Te Karetu a maro tonu makere noa ki te awa o Opopo i te Haroto ka whiti i taua wai ka ahu whakatai i runga i te hiwi a makere noa ki te kongutu awa o Opopo ki te wahi i timata ai te rohe.