Mata Karaka Block, Te Whau, Auckland District.
1851 15 November.Auckland District.Ko te tuhituhinga o tenei pukapuka i te ra kotahi tekau ma
rima o Nowema kotahi mano waru rau rima tekau ma tahi te whakaaetanga o matou
nga rangatira o Ngatiwhatua Mata Karaka. te whakaaetanga ano hoki o te Kuini o Ingarani mona na ko matou nga
tangata i te kainga e tuhituhia nei ki tenei pukapuka na ka whakaae nei matou ki
te hoki i tenei whenua ki a Kuini Victoria hei utu mo nga pauna moni erua tekau
ka hoatu nei ki a matou nokonei ka hoatu nei ka tuku atu nei ki a Victoria te
Kuini o Ingarani, ki te Kingi Kuini ranei o muri i a ia ake, ake, ake, i taua
whenua me nga aha noa iho, aha noa Boundaries. iho o tenei Kainga, ko ona rohe koia enei, kei te kotiu (North) ko te
whenua o te Kuini kua hokona e Te Hira, e te Kawau kei te marangai, ko te awa ko
Mata Karaka, koia tenei ko te rohe o te whenua o ta Robinson raua ko te Hart:
kei te tonga, ko Manukau; kei te Hauauru, ko te whenua o te Kuini kua hokona a
te Porter, me te whenua hoki o te kotiro o te Porter; kua tuhituhia te ahau o te
one one ki tua nei.
Tirohia ta matou ingoa—
(Signed) Te Hira.
Te Keene.
I te aroaro o—
Sd. George F. Swainson,
Survey Office.
Sd. James Baber, Clk. Survey
Office, Auckland.
Receipt for £20. Kua riro mai i a matou nga pauna moni erua tekau kua tuhituhia nei ki roto
ki tenei pukapuka, koia matou ka tuhituhi nei i ta matou ingoa i tenei ra kotahi
tekau ma rima o Nowema i te tau o to tatou Ariki kotahi mano waru rau rima tekau
ma tahi.
(Signed) Te Hira.
Te Keene.
I te aroaro o—
George F. Swainson, Survey
Offire.
James Baber, Clk., Survey
Office.