Ohinerau Block (Northern Slope of Mount Hobson), Auckland
District.
1851. 19 August.Auckland District.Ko te Tuhituhinga o tenei pukapuka i te ra kotahi tekau ma
iwa o Akuhata i te tau o to tatou Ariki kotahi mano waru rau ma rima tekau ma
tahi—ko te whakaaetanga o te Ohinerau. Kawau o te Tinana o te Keene o Te Hira mo Ngatiwhatua katoa—te
whakaaetanga ano hoki o te Kuini o Ingarangi mona, na ko te Kawau ko te Tinana,
ko te Keene, ko Te Hira ko Ngatiwhatua katoa ko nga tangata i te kainga e
tuhituhia nei ki tenei pukapuka Mount Hobson. na ka whakaae nei a Te Kawau, a te Tinana, a te Keene, a Te Hira—ki te
hoko i tenei whenua ki a Kuini Victoria hei utu mo nga pauna moni kotahi te rau
ma rima tekau ka hoatu nei ki a matou nei kua oti nga ingoa te tuhituhi—no konei
ka hoatu nei ka tuku atu nei kia Victoria te Kuini o Ingarangi ki te Kingi Kuini
ranei o muri i a ia Boundaries. ake ake ake, i taua whenua me nga aha noa iho, aha noa iho o tenei
Kainga, ko ona rohe koia enei, ki te tuaraki ko te moana ara ko tetahi wahi
o_Waitemata ko te kokoru ko Ohine Rau—ki te hauauru ke te Tiki—kua hokona kia Te
Karaune—kua oti te ruri ko —Section No. 14—ki te kaha ki te tonga ko te huarahi
nui e tika ana ki Tamaki—a ki te Marangai ko nga whenua o te tangata Maori te
rohenga timata ana ki te tapahanga o te ara i Epihama ko te ara ki Tamaki a tika
tonu ki tetahi rakau Manuka—a tika tonu ki te awa e puare ana ki Ohine Rau kua
tuhituhia te ahua o te oneone ki tua nei.
Tirohia—
Kawaux.
Tinanax.
te Keene.
Te Hira.
I te aroaro o—
John Grant Johnson, Interpreter.
George F. Swainson, Asst. Surv.
Receipt for £150. Kua riro mai i a matou nga pauna moni (£150) kotahi te rau ma rima
tekau—kua tuhituhia nei ki roto ki tenei pukapuka koia matou ka tuhituhi nei i a
matou ingoa i tenei ra te tekau ma iwa o Akuhata i te tau o to tatou Ariki
kotahi mano waru rau ma rima tekau ma tahi.
Kawaux.
Tinanax.
te Keene.
Te Hira.
I te aroaro o—
John Grant Johnson, Interpreter.
George F. Swainson, Asst.
Survyr.