1854 22 June.Mahurangi DistrictKo te pukapuka tuku whenua tenei i tuhituhia ki Mahurangi i tenei ra i te rua tekau ma rua o nga ra o Hune i te tau o to tatou Ariki Kotahi mano waru rau ma rima Wainui. tekau ma wha He pukapuka na matou na nga rangatira me nga tangata o te Kawerau nona nga ingoa e apitiria ana ki raro nei he mea tuhituhi mo matou ake mo a matou whanaunga mo a matou uri a muri ake i a matou ka whakaae nei matou kia hokoa kia tukua rawatia tetahi wahi o to matou whenua kia te Kuini o Engarangi ki nga Kuini Kingi ranei i muri i a ia ake ake ake.

A no te mea kua whakaae matou ki te tuku i tetahi wahi o to matou whenua e whakaae ana hoki te Kuini Wikitoria o Engarangi kia tukua mai kia matou kia waru Receipt for £600. rau pauna moni E ono nga rau pauna o enei moni kua riro mai kia matou i te ringaringa o te Honiana i tenei rangi kia rua atu rau pauna e homai ai ki a matou a te tahi o nga ra o Hanuere o te tau 1855.

Boundaries. Ko nga rohe enei ka timata ki te maka ma ki runga ki to paringa awa ki Orewa ka haere tika tonu ki runga ki te Taukaka ki waenga o Pukekohe o te Ahitoetoe ki te ritenga o te Kapihu S. 68° W. ka anga ki te hauraro ka puta ki tua o nga wapu kani rakau o Paremene ka marere ki te hiku o te Wainui ka haere i te rahurahu S. 68° W. ki runga ki te taukaka te paekauri ka eke ki te awa ki Waitohi ka haere i te awa te rohe ka tika tonu ki te pito o te raina e anga mai ana i te Wai werawera N. 20° W. ka anga ki te marangai i runga i te raina N. 70° E. ki te kauri i tohutohungia ki Waiwerawera a ka hono ki te raina o te Waru a ka rere te rohe i runga i taua raina a tutuki noa ki te wahi i timata ai.