Tenei Pukapuka1862 4 November.Mahurangi District i tuhituhia i tenei e wa o nga ra o Noema i te tau o to tatou Ariki 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngati Rango no ratou nga ingoa e mau i raro nei a hei Komakoriki No. II. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite at hei page 265whakaritenga mo nga Pauna moni E toru tekau ma iwa me te tekau hereni kua ntua mai ki a maton e te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Mahurangi ko Komakoriki (additional) te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matu ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Rokena Kaiwhakarite Whenua. Ko nga rohe enei o taua whenua ka timata ki te Boundaries. [595 acres.] awa o Mihirau ka rere i runga i te raina ruri ki te ritenga o te Kapehu 30° 0′, 13,290 riki tae noa ki te raina ruri o Te. Honiana, ka haere tonu i runga i taua raina, ki te ritenga o te Kapehu 63° 0′, 2672 riki, ka haere i runga i te raina ruri a te Mete, ki te Kapehu, 357° 0′ —6750 riki ki Mahi mahi, haere tonu ki te ritenga o te Kapehu 19° 0′, 4015 riki, whiti noa i Mihirau i Pakaraka ka tae Puke matai, ka haere tonu ki te ritenga o te Kapehu, 83° 10′, 2992 riki ka haere i Orangipakura ki te awa o Mihirau, ka haere i roto o taua awa tae noa ki te wahi i timata ai.