Mangatoetoe Block (near Riverhead), Kaipara District.
1853. 1 August.Kaipara District.Ko te tuhituhinga o tenei pukapuka i te tahi o nga ra o Akuha
i te tau kotahi mano waru rau e rima tekau ma toru te whakaaetanga o matou nga
Rangatira o Nga Tiwhatua te Mangatoetoe. whakaaetanga ano hoki o te Kuini o Ingarani mona, na ko matou ko nga
tangata i te kainga e tuhituhia nei ki tenei pukapuka, na ka whakaae nei matou
ki te hoko i tenei whenua ki a Kuini Victoria hei utu mo nga Pauna Moni Kotahi
Rau £100 kua homai nei kia matou, no konei ka hoatu nei, ka tuku atu nei ki a
Victoria te Kuini o Ingarani, ki te Kingi, Kuini ranei o muri i a ia ake, ake,
ake, i taua whenua me nga Boundaries. aha noa iho, aha noa iho o tenei kainga, ko ona rohe koia enei to te
Hauraro kei te tumu rakau nohinohi i te awa o Kumeu, ka haere tika tonu ki te
taukaka o Raupo Tamaki, to te Hauauru ka haere i te taukaka o Raupo Tamaki,
haere tonu a te taukaka o Papatawhara haere tonu a huranui a Mangatoetoe a
tutuki noa ki Pukematikeo ki te rohe o te Makiparena, to te Tonga koia kei te
rohe o te Makiparena ka kowhane i te tukunga kia Perekama a eke noa ki
Pukewhakataratara to te Marangai ka kowhane tika tonu iho i reira ki te motu
tumu Rakau i Kumeu i te rohe o te hauraro. Ki te mea ka whakahe te tangata ki
tenei tukuna kainga e whakaae ana matou ma matou ia e utu, kua tuhituhia te ahua
o te oneone ki tua nei. Tirohia o matou ingoa—
Na Paul.
Na Apiata x.
na Watarauihi.
na Himiona.
Na Henare.
Na te manihera.
I te aroaro o—
John White, Interpreter.
Andrew Sinclair, Jr.
Receipt for £100. Kua riro mai i a matou nga moni Kotahi Rau kua tuhituhia nei ki roto ki
tenei pukapuka; Koia matou ka tuhituhi nei i o matou ingoa i tenei ra i te
tahi o Akuha i te tau o to tatou Ariki, kotahi mano waru rau e rima tekau ma
toru.
Na Paul.
Na Apiata x.
na Watarauihi.
Na Himiona.
Henare.
Na te manihera.
I te aroaro o—
John White, Interpreter.
Andrew Sinclair, Jr.