Mareretu Block, Kaipara District.
1864. 6 May.Kaipara District.Tenei Pukapuka i tuhituhia i tenei ono (6) o nga ra o Mei i
te tau o to tatou Ariki 1864 he Pukapuka tino hoatu tino tuku whakaoti atu na
matou na nga Rangatira me
Mareretu. nga Tangata o Te Uriohau no ratou nga ingoa e mau i raro nei a hei
whakaatu tenei Pukapuka mo matou mo o matou whanaunga me o matou uri mo te
tuhituhinga o o matou ingoa ki tenei pukapuka i raro i te ra e whiti nei kua
whakarerea rawatia kua tino tukuna rawatia atu kia Wikitoria te Kuini o Ingarani
ki ona uri ki nga Kingi ki nga Kuini o muri iho i a ia me ana me a ratou e
whakarite ai hei whakaritenga mo nga Pauna moni kotahi mano e iwa rau kotahi
tekau ma rua te tekau hereni kua riro i a
£1,912 . 10 |
150 . 0 |
£2,062 . 10 |
matou £150 i mua-kua utua mai ki a matou e Te Rokena kai whakarite
Whenua mo te Kuini (a e whakaaetia nei e matou te rironga mai o aua moni) ko
taua wahi whenua katoa kei Kaipara ko Mareretu te ingoa o taua wahi whenua ko
nga rohe kei raro i te Pukapuka nei e mau ana te korero whakahaere ko te mapi
hoki o taua whenua kua apititia ki tenei. Me ona rakau me ona kowhatu me ona wai
me ona awa nui me ona rotu me ona awa ririki me nga mea katoa o taua whenua o
runga ranei o raro ranei i te mata o taua whenua me o matou tikanga me o matou
take me o matou paanga katoatanga ki taua wahi; Kia mau tonu kia Kuini Wikitoria
ki ona uri ki ana ranei e whakarite ai hei tino mau tonu ake tonu atu. A hei
tohu mo to matou whakaaetanga ki nga tikanga katoa o tenei Pukapuka kua
tuhituhia nei o matou ingoa me o matou tohu. A hei tohu hoki mo te whakaaetanga
o te Kuini o Ingarani mo tana wahi ki nga tikanga katoa o tenei Pukapuka kua
tuhia nei te ingoa o te Rokena Kaiwhakarite
Boundaries. [27,500 acres.] Whenua. Ko nga rohe enei o taua whenua ka timata i te Wai o Manganui ka
haere i runga i te raina ruri a Hare Naiti ka haere i te taha o Waikiekie ka tae
ki Ruarangi ka haere i te taha o Ruarangi tae noa ki Waipu ka haere i te taha o
Waipu tae noa ki Piroa ka haere i te taha o Piroa tae noa ki Maungaturoto ka
haere i te taha o Maungaturoto tae noa ki Paparoa ka haere i te taha o Paparoa
tae noa ki Matakohe ka tutuki ki te timatanga i te Wai o Manganui.
John Rogan,
Land Comr.
Paratene Taupuhi x tona tohu.
Te Wiremu x tona tohu.
matikikuha.
Miriama x tona tohu.
Rawinia.
Mihiterina.
Rakapa.
Paraone.
Pera Taiki x tona tohu.
Hohaia x tona
tohu.
Tuarua x tona tohu.
Pairama x tona tohu.
Wre Tipene.
Ko nga tangata i kite i te hoatutanga o nga moni me te tuhinga o nga
ingoa—
na te Wiremu Rewheti.
Keene Tangaroa x tona tohu.
Mitai Pene
Taui, Clerk, Native Office.
Receipt for £1,912 . 10, final
instalment. Kua riro mai ki a matou i tenei ra i te ona (6) o nga ra o Mei i te tau
o to tatou Ariki Kotahi mano e waru rau ono tekau ma wha (1864) nga Pauna moni
kotahi mano e iwa rau kotahi tekau ma rua 10s (£1,912 . 10 . 0). Ko te utu
whakamutanga tenei kua whakahuatia ki te Pukapuka tuku e mau i runga ake nei
kia utua mai ki a matou e Te Rokena kai whakarite Whenua mo te Kuini.
Paratene Taupuhix tona tohu.
Te Wiremu x tona tohu.
Matikikuha.
Nga Kai-titiro—
na te Wiremu Rewheti.
Keene Tangaroa x tona tohu.
Mitai Pene
Taui, Clerk, Native Office.