1864. 20 January.Kaipara District.Tenei Pukapuka i tuhituhia i tenei rua te kau o nga ra o Hanuere i te tau o to tatou Ariki 1864 he Pukapuka tino hoko tino hoatu tino tuku whakaoti atu na matou na nga Pukeatua. Rangatira me nga Tangata o Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e toru mano e rima rau e rima tekau (£3550) kua utua mai ki a matou e Te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Pukeatua te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga kanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Rokena Kaiwhakarite Boundaries. Whenua. Ko nga rohe enei o taua whenua ka timata i Ngahokowhitu ka haere i runga i te raina ruri i te ritenga o te Kapehu 283° 38′ 9300 riki 194° 55′ 1430 riki 273° 30′ 26288 riki tae noa ki te rohe o Ararimu ka haere atu i runga i te rohe o taua whenua i te ritenga o te Kapehu 331° 8′ 6930 riki 263° 48′ 22559 riki tae noa ki te rohe o Kaukapakapa (South) ka haere atu i reira i runga i te rohe o taua whenua i te ritengao te Kapehu 328° 0′ 3678 riki 327° 30′ 7120 riki tae noa ki te awa o Waikahikatea ka haere atu ki roto o taua awa tae noa ki te rohe o te whenua o Tamaki Rewiti ka haere i runga i te rohe o taua whenua i te ritenga o te Kapehu 71° 15′ 6510 riki 24° 15′ 12240 riki tae noa ki te awa a Waipapakauri ka haere atu ki roto ki taua awa tae noa ki Kaukapakapa ka haere i roto o taua awa tae noa ki te rohe o Parikakau ka haere i runga o taua page 241rohe tae noa ki te Ahutoetoe ka haere atu i reira i runga o te raina ruri i to ritenga o te Kapehu 112° 0′ 2800 riki 119° 15′ 10250 riki tae noa ki Pukekohe ka haere atu i reira i runga i te raina ruri i te ritenga o te Kapehu 148° 0′ 3810 riki tae noa ki te awa o te Weiti ka haere i roto o taua awa tae noa ki te raina ruri o Hare Naiti ka haere atu i runga o taua raina i te ritenga o te Kapehu 153° 10′ 8200 riki 113° 45′ 22350 riki tae noa ki Apohu ka haere atu i reira i runga o taua raina i te ritenga o te Kapehu 191° 30′ 24000 riki 113° 30′ 1250 riki tae noa ki te timatanga i Ngahokowhitu.