1863 14 FebruaryKaipara District.Tenei Pukapuka i tuhituhia i tenei kotahi tekau ma wha o nga ra o Pepuerc i te tau o Ararimu. to tatou Ariki 1863 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Taou no ratou nga ingoa e mau i raro nei a hei whakaatu tenei Pukapuka mo maton mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a raton e whakarite ai hei whakaritenga mo nga Panna moni Kotahi mano e wha rau e toru tekau ma toru kua utna mai ki a matou e Te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waitemata ko Ararimu te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Rokena Kaiwhakarite Boundaries. [7,165 acres.] Whenua. Ko nga rohe enei o taua whenua ka timata i te Ahu ka rere i runga o te Raina ruri ki te ritenga o te Kapehu 83° 48′ 22559 riki a tae noa ki Puke Atua a rere tonu i runga o te hiwi o Heruroa ki te Ritenga o te Kapehu 151° 8′ 15700 riki a toe noa ki Mahoenui rere tonu ki Onehungahunga i runga o te ritenga o te Kapehu 172° 35′ 11890 riki a ka ahu ra i runga o te hiwi o Onehungahunga a rere tonu i runga o te Raina ruri ki te ritenga o te Kapehu 112° 25′ 8255 riki 208° 50′ 5071 riki 207° 35′ 12181 riki A rere tohu i roto o te Awa o te Ararimu a tae noa ki te Ngutuawa o Waikoukou a rere i roto o taua Awa o Waikoukou a tae noa ki te raina ruri i te putake o Kahutupuni ka kake a eke noa ki runga o Kahutupuni a rere tonu i runga o te Raina ruri ki te Ritenga o te Kapehu 348° 38′ 8080 riki 27° 17′ 3141 riki 328° 58′ 3322 riki a tutaki noa ki te Ahu ki te timatanga.