Matawhero No. 1 Block, Kaipara
District.
1862. 26 November.Kaipara District.Tenei Pukapuka i tuhituhia i tenei rua tekau ma ono o nga ra
o Nowema i te tau o to tatou Ariki 1862 he Pukapuka tino hoko tino hoatu tino
tuku whakaoti atu na matou na nga Rangatira me nga Tangata o Ngatiwhatua no
ratou nga ingoa e mau i raro nei a Matawhero No. I. hei whakatu tenei Pukapuka mo matou mo o matou whanaunga me o matou uri
mo te tuhituhinga o o matou ingoa ki tenei pukapuka i raro i te ra e whiti nei
kua whakarerea rawatia kua tino tukuna rawatia atu kia Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni e ono rau e waru tekau
ma rima kua utua mai ki a matou e Te Rokena mo te Kuini (a e whakaaetia nei e
matou te rironga mai o aua moni) ko taua wahi whenua katoa kei Kaipara ko
Matawhero te ingoa o taua wahi whenua ko Boundaries. [5,840 acres.] nga rohe kei raro i te Pukapuka nei e mau ana te korero whakahaere ko te
mapi hoki o taua whenua kua apititia ki tenei. Me ona rakau me ona kowhatu me
ona wai me ona awa nui me ona roto me ona awa ririki me nga mea katoa o taua
whenua o runga ranei o raro ranei i te mata o taua whenua me o matou tikanga me
o matou take me o matou paanga katoatanga ki taua wahi; Kia mau tonu kia Kuini
Wikitoria ki ona uri ki ana ranei e whakarite ai hei tino mau tonu ake tonu atu.
A hei tohu mo to matou whakaaetanga ki nga tikanga katoa o tenei Pukapuka kua
tuhituhia nei o matou ingoa me o matou tohu. A hei tohu hoki mo te whakaaetanga
o te Kuini o Ingarani mo tana wahi ki nga tikanga katoa o tenei Pukapuka kua
tuhia nei te ingoa o Te Rokena Kaiwhakarite Whenua. Ko nga rohe enei o taua
whenua ka timata i Kawakawa kei te Papa ka haere ki Tamakoriata i runga i nga
raina ruri 262°. 30′. 2600 riki 270°. 40′ 5100 riki 271°. 30′. 2590 riki 269°.
10′. 12030 riki ka haere ki te Kanohi i runga i te ara ruri ka tae ki tetahi
pito o Komakoriki 274°. 30′. 4212 riki 272°. 0′. 3908 riki ka haere ki te raina
ruri ka tae ki te Kuru 255°. 0′. 11115 riki 266°. 30′. 2995 riki 250°. 0′. 7000
riki ka tae ki Waitoki ki Parikakau, ka haere i roto o te wai o Waitoki ka tae
ki te raina ruri 80°. 36′. 2027 riki 176°. 40′ 35500 riki 79°. 20′. 10800 riki
74°. 40′. 6688 riki ka tae ki te awa o Kaipara ka tae ki Matawhero ki te Karae
awhio noa ki Kawakawa ki te timatanga Ko te Karae 24 eka i roto o tenei 24 acres at Karae surrendered to Government. whenua kua oti te tuku atu kia te Kawanatanga.
John Rogan, D.C.
Te Koakoa te Moananuix tona tohu.
Wiremu Pungaru x tona tohu.
Ko nga tangata i kite i te hoatutanga o nga moni me te tuhinga o nga
ingoa—
Te Keene x tona tohu.
Kua riro mai ki a matou i tenei ra i te rua tekau ma ono e nga ra o
Nowema i teReceipt for £342 . 10, final payment. tau o to Tatou Ariki Kotahi mano e waru rau e ono tekau ma rua (1862)
nga Pauna moni e toru rau e wha tekau ma rua me te tekau hereni (£342 . 10 .
0) Ko te utu whaka-mutunga tenei kua whakahuatia ki te Pukapuku tuku e mau i
runga ake nei kia utua mai ki a matou e Te Rokena mo te Kuini.
Te Koakoa te Moananuix tona tohu.
Wiremu Pungaru x tona tohu.
Nga Kai-titiro—
Te Keene x tona tohu.