Whakapirau Block, Kaipara District.
1862 24 JulyKaipara District.Tenei Pukapuka i tuhituhia i tenei te rua tekau ma wha o nga
ra o Hurai i te tau o to tatou Ariki 1862 he Pukapuka tino hoko tino hoatu tino
tuku whakaoti atu na matou Whakapirau. na nga Rangatira me nga Tangata o te Uriohau no ratou nga ingoa e mau i
raro nei a hei whakaatu tenei Pukapuka mo matou mo o matou whanaunga me o matou
uri mo te tuhituhinga o o matou ingoa ki tenei pukapuka i raro i te ra e whiti
nei kua whakarerea rawatia kua tino tukuna rawatia atu kia Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni e rua rau e ono tekau
kua utua mai ki a matou e Te Rokena mo te Kuini (a e whakaaetia nei e matou te
rironga mai o aua moni) ko taua wahi whenua katoa kei Kaipara ko Whakapirau te
ingoa o taua wahi whenua ko nga rohe kei raro i te Pukapuka nei e mau ana te
korero whakahaere ko te mapi hoki o taua whenua kua apititia ki tenei. Me ona
rakau me ona kowhatu me ona wai me ona awa nui me ona roto me ona awa ririki me
nga mea katoa o taua whenua o runga ranei o raro ranei i te mata o taua whenua
me o matou tikanga me o matou take me o matou paanga katoatanga ki taua wahi;
Kia mau tonu kia Kuini Wikitoria ki ona uri ki ana ranei e whakarite ai hei tino
mau tonu ake tonu atu. A hei tohu mo to matou whakaaetanga ki nga tikanga katoa
o tenei Pukapuka kua tuhituhia nei o matou ingoa me o matou tohu. A hei tohu
hoki mo te whakaaetanga o te Kuini o Ingarani mo tana wahi ki nga tikanga katoa
o tenei Pukapuka kua tuhia nei te ingoa o Te Rokena Kaiwhakarite Whenua. Ko
Boundaries. [2,600 acres.] nga rohe enei o taua whenua ka timata i Koruatakaikau, ka haere i te
taha o te awa o Whakapirau ki Tutonga ka haere a Wairaupo, ka haere a te raina o
te kai ruri, maro tonu te haere i taua raina 119°. 35′ o te Kapehu 10825 riki,
tae noa ki te awa o Runangamohe ka haere i te taha o te awa o Kokorako ki
Tohupo, ka haere a te Aumanga, ka haere a Kaipaka ka haere a Ngaupiko ka haere a
Patamure, ka haere a Huarua ka haere a Tongaroa, ka haere a ka tutaki ki te rohe
ruri o te Whenua rahui i Kaiwaka, maro tonu te haere i taua raina 32° o te
kanehu 1008 riki, a 3° o te kapehu 2265 riki ki te Whakapirau, ka haere a tutuki
noa ki Koruatakaikau te wahi i timata ai nga rohe.
John Rogan, D.C.
Paikea x tona tohu.
Arama Karaka.
Hemaua x tona tohu.
Paki x tona tohu.
pairama.
Wiremu tipene.
Eramiha paikea.
Wi Apo x tona tohu.
page 231
Ko nga tangata i kite i te hoatutanga o nga moni me te tuhinga o nga
ingoa—
Hanson Turton, Clerk, Native Office.
J. P. Kawau, L.P.D.
Kua riro mai ki a matou i tenei ra i te rua tekau ma wha o nga ra o
Hurae i te tauReceipt for £260. o to tatou Ariki Kotahi mano e waru rau ono tekau ma rua (1862) nga
Pauna moni E rua rau e ono tekau (£260 . 0 . 0) Ko te utu pu tenei kua
whakahuatia ki te Pukapuka tuku e mau i runga ake nei kia utua mai ki a matou
e Te Rokena mo te Kuini.
Paikeax tona tohu.
arama Karaka.
Nga Kai-titiro—
Hanson Turton, Clerk, Native Office.
Henry E. Rice, Clerk, Land
Purchase Department.
J. P. Kawau, L.P.D.