Whiritoa Block, Kaipara District.
1861 28 NovemberKaipara District.Tenei Pukapuka i tuhituhia i tenei rua tekau ma waru (28) o
nga ra o Noema i te tau o to tatou Ariki 1861 he Pukapuka tino hoko tino hoatu
tino tuku whakaoti atu na matou na nga Rangatira me nga Tangata o Ngatiwhatua no
ratou nga ingoa e mau i raro nei a hei whakaatu tenei Pukapuka mo matou mo o
Whiritoa. matou whanaunga me o matou uri mo te tuhituhinga o o matou ingoa ki
tenei pukapuka i raro i te ra e whiti nei kua whakarerea rawatia kua tino tukuna
rawatia atu kia Wikitoria Kuini o Ingarani ki ona uri ki nga Kingi ki nga Kuini
o muri iho i a ia me ana me a ratou e whakarite ai hei whakaritenga mo nga Pauna
moni Kotahi rau Kotahi tekau ma ono 17/ kua utua mai ki a matou e Te Rokena mo
te Kuini (a e whakaaetia nei e matou te rironga mai o aua moni) ko taua wahi
whenua katoa kei Kaipara ko Whiritoa te ingoa o taua wahi whenua ko nga rohe kei
raro i te Pukapuka nei e mau ana te korero whakahaere ko te mapi hoki o taua
whenua kua apititia ki tenei. Me ona rakau me ona kowhatu me ona wai me ona awa
nui me ona roto me ona awa ririki me nga mea katoa o taua whenua o runga ranei o
raro ranei i te mata o taua whenua me o matou tikanga me o matou take me o matou
paanga katoatanga ki taua wahi; Kia mau tonu kia Kuini Wikitoria ki ona uri ki
ana ranei e whakarite ai hei tino mau tonu ake tonu atu. A hei tohu mo to matou
whakaaetanga ki nga tikanga katoa o tenei Pukapuka kua tuhituhia nei o matou
ingoa me o matou tohu. A hei tohu hoki mo te whakaaetanga o te Kuini o Ingarani
mo tana wahi ki nga tikanga katoa b tenei Pukapuka kua tuhia nei te ingoa Te
Rokena Kai-whakarite Whenua. Boundaries. [1,558 acres.] Ko nga rohe enei o taua whenua ka timata ki Waiotitore ka rere i te
tahataha o te awa o Kaipara, a, te rohe o te wahi i rahuitia mo nga Maori, o
Atiu, rere tonu i runga i te raina ruri o taua wahi rahui, ki te ritenga o te
Kapehu 216°. 39′. 1150 ririki, 181°.48′. 922 riki, 153°. 36′. 503 riki, 112°.
18′. 863 riki, 102°. 54′. 943 riki, ki Manunutahi, rere tonu i runga i te raina
ruri ki Tohungarua, ki te ritenga o te Kapehu 180′. 970 riki 161°. 1046 riki,
178°. 1800 riki, rere tonu atu i reira a, Waiau, ki te ritenga o te Kapehu 231°-
4677 riki, 239°. 50′. 5700 riki, 270°. 11975 riki, ka rere atu i reira i te
tahataha e Kaipara tae noa ki Whakatara, ka rere atu i reira i runga i te raina
ruri o Okaka tae noa ki te Waiotitore, ki te ritenga o te Kapehu 235°. 18500
riki, 241°. 2950 riki, 240°. 500 riki ki te wahi i timata ai.
John
Rogan,
District Commr.
Ka rau ria.
Keene.
Ko nga tangata i kite i te hoatutanga o nga moni me te tuhinga o nga
ingoa—
horama.
Receipt for £116 . 17. Kua riro mai ki a matou i tenei rai te rua tekau ma waru o nga ra o
Noema i te tau o to Tatou Ariki Kotahi mano e waru rau e ono tekau ma tahi
(1861) nga Pauna moni Kotahi rau kotahi tekau ma ono 17/ (£116 . 17 . 0) Ko te
utu whakamutunga tenei kua whakahuatia ki te Pukapuka tuku e mau i runga ake
nei kia utua mai ki a matou e Te Rokena District Commissioner mo te Kuini.
Karauria.
Keene.
NgaKai-titiro—
horama.