Tenei Pukapuka i tuhituhia i tenei rua tekau ma tahi o nga ra o Mei 1862 i te tau o 21 May 1862 Kaipara District. to tatou Ariki he Pukapuka tino hoko tino hoatu tino tuku whakaoti atu na matou na Mauncaturoto. nga Rangatira me nga Tangata o Ngaitahuhu no ratou nga ingoa e mau i raro nei a hei Boundaries. [6,815 acres.] whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rima rau kotahi tekau ma tahi pauna e rua hereni me te hikipene (511 . 2 . 6) kua utua mai ki amatou e Te Mete mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Maunga-turoto te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei, Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikauga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Mete Kaiwhakarite Whenua. Ko nga rohe enei o taua whenua ka timata i Tutai nui ka rere i te raina ruri 22220 riki—47° 15′ te tohu o te Kapehu—a Otihoemai—ka whati—7000 riki—271° 35′ te tohu o te Kapehu ka whati—10935 riki—272° 35′ te tohu o te Kapehu—ka tae ki Te Pahi—ka whati Ki te raina ruri o Paparoa 15600 riki 24° 35′ te tohu o te Kapehu ka whati—20600 riki 358° 50′ te tohu o te Kapehu—ka whati 930 riki 152° 0′ te tohu o te Kapehu a ka tae ki Otupua—ka rere i te raina ruri o Piroa 28888 riki 58° 45′ te tohu o te Kapehu—a Rangipokaia—ka whati—6320 riki 154° 20′ te tohu o te Kapehu a tutaki noa ki te timatanga ara kei Tutainui.