Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Kaukapakapa Block, Kaipara District

Previous Section | Table of Contents | Up | Next Section

Kaukapakapa Block, Kaipara District.

1858. 8 December.Kaipara District.Tenei Pukapuka i tuhituhia i tenei waru (8) o nga ra o Tihema i te tau o to tatou Kaukapakapa. Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rima rau £500 kua utua mai ki a matou e te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Kaukapakapa te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Rokena Kaiwhakarite Whenua. Boundaries. [5,787 acres.] Ko nga rohe enei o taua whenua ka timata i Whakatiwai ki te Maioro ki te taha o te wai o Kaukapaka ka haere i runga o te ruri o Pereke ka tae ki Waikiekie, ka haere ki te taha o Kaipara ka tae ki te whare whakaroro ka ahu whakauta 74° 40′ 9899 riki ki Ruiototara, Ohoia, ka haere ki Orua Kopuai, ko rongo mai matua 79° 20′ 10800 riki, ka haere ki Waitoki ki te rohe o Parekakau 80° 36′ 2027 riki ka haere i roto o te wai o Kaukapakapa ka tae ki Roto whiki Te Wai ka karuhe Tuapou Onuwhau ka tae ki Whakatuwai ki te Maioro ka tutuki te rohe kei reira.

John Rogan,
Dist. Commr.

The mark x of Karauria.
The mark x of Rira.
The mark x of Tahamate.
The mark x of Ruarangi.
The mark x of Para.
The mark x Hera.
The mark x of Takerei.
The mark x of Watikina.
The mark x of Wi Poihi.
The mark x of Hikitea.
The mark x of Paraone.
The mark x of Kaihau.
The mark x of Kaupapa.
The mark x of Toetoe.
The mark x of Ihau.
The mark x of Wi.
The mark x of Marurahi.
The mark x of Te Koakoa.
The mark x of Tukiaki.
Hohepa.
The mark x of Maiaka.
The mark x of Te Hakuma.
Timoti.
tera tu hauraki.
The mark x of Te Waru.
The mark x of Te Raiona.
The mark x of Mawete.
Na te Otene.
Matini.
The mark x of Mata.
ta raia.
The mark x of Kiwara.
tai rua.
Ariahai.
The mark x of Ereatara.
The mark x of Hikiera.
Tamati Reweti.
The mark x of Tawaewae.
The mark of Matatini.

Ko nga tangata i kite i te hoatutanga o nga moni me te tuhinga o nga ingoa—

William White, Kaipara.
Keene.

Receipt for £500. Kua riro mai ki a matou i tenei ra i te Waru (8) o nga ra o Tihema i te tau o to Tatou Ariki Kotahi mano e waru rau e rima tekau ma waru (1858) nga Pauna moni E rima rau (£500) Ko te utu whakaotinga tenei kua whakahuatia ki te Pukapuka tuku e mau i runga ake nei kia utua mai ki a matou e te Rokena mo te Kuini.

Na matini.
Na te Otene.

Nga Kai-titiro—

William White, Kaipara.
Keene.

Previous Section | Table of Contents | Up | Next Section