1858. 19 February.Kaipara District.Tenei Pukapuka i tuhituhia i tenei tekau ma iwa o nga ra o Pepuere i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Ika-A-Ranga-Nui. Rangatira me nga Tangata o Te Uri o Hau, Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rima rau takitahi (£500) kua utua mai ki a mato i e Te Rokena (John Rogan) mo te Kuini (a e whakaaetia nei e matou te rironga mai [gap — reason: deleted]ia aua moni) ko taua wahi whenua katoa kei Kaipara ko Te Ika-a-ranga-nui te ingoa o [unclear: taua]te wahi whenua ko nga rohe kei raro i te Pukapuka nei e mau ana te korero whakahaerae ko te mapi hoki o taua whenua kua apititia ki tenei. Me ona rakau me ona kowhathe me ona wai me ona awa nui me ona roto me ona awa ririki me nga mea katoa o tauae whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kui[gap — reason: damage]te Wikitoria ki ona uri ki ana ranei e whakarite ai hei tino mau tonu ake tonu atu. A [gap — reason: damage] o tohu mo to matou whakaaetanga ki nga tikanga katoa o tenei Pukapuka kua [gap — reason: damage] a nei o matou ingoa me o matou tohu. A hei tohu hoki mo te whakaaetanga o te [gap — reason: damage] o Ingarani mo tana wahi ki nga tikanga katoa o tenei Pukapuka kua tuhia nei te ingoga Boundaries. o Te Rokena—John Rogan Kaiwhakarite Whenua. Ko nga rohe enei o taua whenu [gap — reason: damage] ka timata i te taha ki te hauraro i Marunui s. 52. w. 37353 links ka haere tika tonua-whaka-te-hauauru, a Hauparoa haere tika tonu whiti noa i nga hikuwai o Kaiwaka [gap — reason: damage] tuhono noa ki te Matawherohia ka whati ka haere (12s. 9w. 4061 links) a whiti tonu atu page 197i te Awanui o Kaiwaka haere tonu (17¼ S.W. 6420 links) a tuhono noa ki te awa o Kaitara ki te Rota ka whati i konei a ahu (S—E. 37. 14450 links) whaka-te-tonga ka haere tika tonu a tuhono noa ki Pukenui, haere tika tonu atu i reira a whiti tonu atu i nga awa o Mungamunga o Rota haere tonu a tuhono noa ki Tikapuaraunui ka whati (N.E. 63°. 30′. 7004 links) whaka-te-marangai a ka piko iti ano (N.E. 48. 21582 links) pohutu rawa atu ki te awa o te Hakoru ka haere i taua awa whakahauraro a tuhono noa ki te raina (N 70°. 30′. W 2368 links) ka haere i reira a te Marunui ka tuhono nga kaha i reira.