Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Waikiekie (No. 1) Block, Kaipara District

Previous Section | Table of Contents | Up | Next Section

Waikiekie (No. 1) Block, Kaipara District.

1856. 30 October.Kaipara District.Ko matou ko nga Rangatira me nga Tangata o te Uriohau o Ngatiwhatua otira ko nga tangata katoa e mau nei nga ingoa ki tenei Pukapuka e whakaae tika ana i tenei ra i te Waikiekie No. I. toru tekau 30 o nga ra o Oketopa i te tau o to tatou Ariki kotahi mano e waru rau e rima tekau ma ono 1856, mo matou mo o matou whanaunga me o matou uri kia hokona kia tino tukuna rawatia kia Wikitoria te Kuini o Ingarini ki nga Kingi Kuini ranei o muri iho i a ia tetahi wahi o to matou kainga ki Kaipara hei kainga pumau tonu iho kia te Kuini o Ingarini ake tonu atu. Ko Waikiekie te ingoa nui o tenei kainga.
Receipt for £400. A mo to matou tino tuku tino hoko i tenei ra e whakaae ana te Kuini o Ingarini mona kia utua mai ki a matou ki nga Pauna moni e wha rau £400 takitahi Ko aua moni kua riro mai ki o matou ringaringa i tenei ra na Donald McLean te tino kai whakarite Whenua o Nui Tireni i homai.
page 191

Ki te mea ka nui ake taua whenua i te tekau ma rua mano 12,000 eka ka utua mai ano kia matou ana oti te ruri o taua whenua ki nga pauna moni E toru tekau £30 mo ia mano 1000 eka mo ia mano 1000 eka i nui atu ki runga o te tekau ma rua mano 12,000. Ki te mea ka hoki iho te rahi o te whenua i te tekau ma rua mano 12,000 eka ka whakahokia mai e matou ki te Kawanatanga o Nui Tireni E toru tekau pauna £30 mo ia mano 1,000 eka mo ia mano 1,000 eka e hoki iho i te tekau ma rua mano 12,000.

Ko nga kaha enei. Ka timata i Ngawaha i te wahapu o Tauraroa o Manganui ka Boundaries. [29,500 acres.] haere i roto i te wai o Tauraroa haere tonu i reira tuhono noa ki Ruarangi ki te hokonga a te Manihera i te tai Marangai, ara ko te rohe o Ruarangi kua oti te para e nga kai ruri whenua.

Ko nga kaha enei o te taha ki te Tonga. Ka timata i Ngawaha i te wahapu o Tauraroa o Manganui haere tonu i te wai o Manganui a tuhono noa ki Ruarangi ki te whenua i hokona e Te Manihera ara ko te rohe o Ruarangi kua oti te para e nga kai ruri whenua.

Heoi ra kua oti i a matou te hurihuri te mihi te poroporoaki te tino tuku rawa atu i tenei kainga o a matou tupuna tuku iho ki a matou me ona awa me ona roto me ona wai me ona manga me ona rakau me ona kowhatu me ona otaota me ona wahi parae me ona ngaherehere me ona wahi ataahua me ona wahi kino me nga mea katoa kei runga ranei o te whenua kei raro ranei o te whenua me nga aha noa iho o taua whenua kua tukua katoatia atu e matou i tenei ra e whiti nei hei whenua pumau tonu iho ki a Wikitoria te Kuini o Ingarini ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei Pukapuka kua tuhia iho o matou ingoa me o matou tohu i Akarana i tenei ra i te toru tekau 30 o Oketopa i te tau 1856.

A mo te whakaaetanga o te Kuini o Ingarini mona ki nga tikanga katoa o tenei Pukapuka kua tuhia iho te ingoa o Donald McLean te tino kai whakarite whenua o Nui Tireni.

Donald McLean,
Chief Comr.

Paikea x.
Wire Tipene x.
Arama Karaka.
pairama.
Henare Patara.
Matiu x The mark of
Puriri x. Paki x.
Maka x.
Ohaia Tuihau x.
Hetara ka x.
Manihera.
Karena.
Tatana x.
Eramiha.
Makareta x.
Manukau rewarewa.
Himeona x.
Hone Waiti.
Heremai a x.
Na Karena. Te Wiremu Reweti.
Na Karena.Kereihi Waikaka.
Na Karena. Paratene taupuhi.
Te Awaiti x Matitikuha x.
Na Karena. To mai rangi x.
Na Karena. Papahia.
Te Otene Kikokiko x.
paraone rangi.
Wai tere (Na Karena).
Te wha re u mu mo e Tara.

Nga Kai titiro ki enei homaitanga utu me enei tuhituhinga ingoa—

Fras. D. Fenton, J.P., Auckland.

William White, Merchant, Kaipara.

John Rogan, D. Commr., Auckland.

Previous Section | Table of Contents | Up | Next Section