Takakhiwae Block, Weangarei District.

Boundaries. [1,200 acres.] Ko nga rohe tenei o te whenua ki te taha hauauru ko te awa o te Takahiwae haere tonu i roto i te hikuwae o taua awa tutuki noa ki te Koroi i te rohe o Poupouwhenua ka page 137rere ki te tonga hauauru ka tutaki ki te rohe o te Ruakaka ka rere ki te Marangai ka haerè i runga i nga kahiwi ka tutaki ki te rohe o Poupouwhenua ka rere ki te hauraro i runga i te rohe o Poupouwhenua tutaki noa ki te wahapu o te Takahiwae ka mutu.

A kua oti to matou whakaaro ki taua wahi kua whakarerea rawatia kua tukua rawatia enei whenua no o matou tupuna tuku iho ki a matou me ona awa rerengà wai roto waimaori rakau tarutaru kowhatu puke kawheka me nga wahi pai katoa me nga wahi kino katoa me nga méa katoa i runga i raro i taua whenua me nga aha noa iho o taua whenua i tenei ao marama o tenei rangi kia te Kuini o Engarangi ki nga kingi Kuini ranei i muri i a ia ake tonu atu.

Kua rongo matou ki nga kupu katoa o tenei pukapuka e whakaae ana hoki matou koia matou ka tuhituhi i o matou nei ingoa me te Kuini o Engarangi e whakaae ana hoki koia te Honiana tetahi kai whakarite whenua mo te Kawana o Nui Tireni ka tuhituhi hoki i tona ingoa.